走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 以法蓮人對基甸講：「你去及米甸人交戰，無叫阮及你去，啥事按呢款待阮啊？」𪜶就及伊大大計較。 |
|---|---|
| 8:2 | 基甸對𪜶講：「我所行的豈會比得恁嗎？以法蓮拾葡萄屑豈無卡贏亞比以謝挽葡萄嗎？ |
| 8:3 | 上帝已經將米甸的首領俄立、西伊伯交佇恁的手；我所行的豈會比得恁嗎？」伊講諸個話，𪜶的受氣就消。 |
| 8:4 | 基甸及隨伊的三百人到約但過渡，雖然厭倦，猶久啲追趇。 |
| 8:5 | 基甸對疏割人講：「請你將餅供給跟隨我的百姓，因為𪜶厭倦；我也啲趇米甸二個王西巴及撒慕拿。」 |
| 8:6 | 疏割許個首領應講：「西巴及撒慕拿的手已經佇你的手，阮才著用餅互你的軍隊啊？」 |
| 8:7 | 基甸講：「耶和華將西巴及撒慕拿交佇我的手了後，我就欲用曠野的茦及莿仔拍傷恁的肉。」 |
| 8:8 | 伊對遐上去毗努伊勒，也對𪜶按呢講；毗努伊勒人應伊也及疏割人所應的相同。 |
| 8:9 | 伊對毗努伊勒的人講：「我平安倒來的時，我欲拆此個台。」 |
| 8:10 | 彼時西巴及撒慕拿，以及跟隨伊的軍隊攏佇加各，約略有一萬五千人，就是東方全軍所剩的；因為已經死十二萬人攏是抬刀的。 |
| 8:11 | 基甸就對羅巴及約比哈東旁，對徛起布棚者的路上去，拍贏𪜶的軍隊，因為𪜶的軍隊安然。 |
| 8:12 | 西巴及撒慕拿逃走；基甸追趇𪜶，掠著米甸二個王西巴及撒慕拿，互𪜶全軍驚走。 |
| 8:13 | 約阿施的子基甸對希列斯的山坪對戰陣倒來， |
| 8:14 | 掠疏割一個少年人，問伊，伊就寫疏割許個首領及長老共七十七人互伊。 |
| 8:15 | 基甸到疏割，對許個人講：「恁前為著西巴及撒慕拿謔俗我講：『西巴及撒慕拿的手已經佇你的手，阮才著用餅互你厭倦的人啊？』今恁來看。」 |
| 8:16 | 就掠城內的長老，用曠野的莿及莿仔來教督疏割人； |
| 8:17 | 閣拆毗努伊勒的台，刣死彼個城內的人。 |
| 8:18 | 就問西巴及撒慕拿講：「恁佇他泊山所刣的人甚麼款？」應講：「𪜶親像你，逐人攏有王的子的容貌。」 |
| 8:19 | 伊講：「𪜶是我像母的兄弟，我指耶和華的永活來講，恁前若留𪜶的生命，我今就無刣恁。」 |
| 8:20 | 就對伊的大子益帖講：「起來刣𪜶。」總是少年人無拔刀，因為伊猶少年，就驚。 |
| 8:21 | 西巴及撒慕拿講：「你家己起來刣阮！因為人怎樣，氣力也是按呢。」基甸就起來，刣死西巴及撒慕拿，取𪜶駱駝頷頸的妝飾款式親像月眉。 |
| 8:22 | 以色列人對基甸講：「你已經救阮脫離米甸人的手，願你及你的子你的孫管理阮。」 |
| 8:23 | 基甸講：「我無欲管理恁，我的子也無欲管理恁，獨獨耶和華欲做恁的王。」 |
| 8:24 | 基甸閣對𪜶講：「我有一項求恁：請恁逐人將所搶的耳環互我。」（因為對敵是以實瑪利的人，才有此號金的耳環。） |
| 8:25 | 𪜶講：「阮甘願互你。」就舒一領外衫，逐人將所搶的耳環㧒佇彼頂面。 |
| 8:26 | 基甸所討的金耳環重一千七百舍客勒的金仔。此個以外閣有月眉的妝飾、耳墜，及紫色的衣服，米甸王所有的，及駱駝頷頸的鍊仔。 |
| 8:27 | 基甸用此個製造一個以弗得，下佇伊的本城俄弗拉。後來以色列人攏去遐行邪淫拜伊；這是做害基甸及伊全家的羅網。 |
| 8:28 | 按呢，米甸屈服佇以色列人，𣍐會閣抬起頭殼。基甸的日，彼個地方太平四十年。 |
| 8:29 | 約阿施的子耶路巴力倒去家己的厝徛起。 |
| 8:30 | 基甸有七十個親生子，因為伊有娶多多個某。 |
| 8:31 | 佇示劍伊的細姨也給伊生一個子。伊就給伊號名叫亞比米勒。 |
| 8:32 | 約阿施的子基甸，年老歲多就死，埋葬佇亞比以謝族俄弗拉，佇伊的老父約阿施的墓。 |
| 8:33 | 基甸死了後，以色列人越轉去行淫，隨諸個巴力用巴力比利土做𪜶的上帝。 |
| 8:34 | 以色列人無記念耶和華──𪜶的上帝，就是救𪜶脫離四圍的對敵的手的， |
| 8:35 | 也無好款待耶路巴力，就是基甸的家照伊所行佇以色列的恩惠。 |
