走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 15:1 | 閣有許久，到割麥的時，參孫帶一隻山羊仔去尋伊的某，講：「我欲入房尋我的某。」伊的丈人呣准伊入， |
|---|---|
| 15:2 | 丈人講：「我按算你實在怨恨伊，因為按呢我將伊互你的陪伴。伊的小妹豈呣是比伊卡娞嗎？請你娶來替伊！」 |
| 15:3 | 參孫給𪜶講：「此擺我傷害非利士人𪜶無通責罪我。」 |
| 15:4 | 參孫就去掠三百隻狐狸，閣帶火把，將狐狸尾二隻二隻縛相粘，將火把縛佇二支尾的中間， |
| 15:5 | 火把點𤏸，就放狐狸入非利士人猶未收割的五穀，燒伊歸捆的及伊未割的五穀，以及橄欖園攏燒去。 |
| 15:6 | 非利士人講：「此個事是誰做的啊？」𪜶講：「是亭拿人的子婿參孫，因為伊的丈人將伊的某互伊的陪伴。」非利士人就上去，用火燒婦仁人及伊的老父。 |
| 15:7 | 參孫對非利士人講：「恁既然行按呢，我欲對恁報仇才欲息。」 |
| 15:8 | 參孫就大大拍死1，身屍相褡。就落去，踮佇以坦的石頭孔。 |
| 15:9 | 非利士人上去紮營佇猶大，分散佇利希。 |
| 15:10 | 猶大人講：「恁啥事上來攻擊阮啊？」𪜶講：「阮上來是欲捆縛參孫；伊款待阮怎樣，阮也欲按呢款待伊。」 |
| 15:11 | 對按呢猶大三千人到以坦的石頭孔，對參孫講：「非利士人管轄咱，你呣知嗎？你啥事做此個事互阮啊？」應講：「𪜶怎樣款待我，我也按呢款待𪜶。」 |
| 15:12 | 猶大人給伊講：「阮落來是欲捆縛你，將你交佇非利士人的手。」參孫給𪜶講：「恁著對我咒誓，恁本身無欲害我。」 |
| 15:13 | 𪜶對伊講：「無，只有欲捆縛你交佇𪜶的手，阮的確無害死你。」就用二條新的索捆縛伊，對石磐帶伊上去。 |
| 15:14 | 參孫到利希，非利士人抵著就喝。耶和華的神大大臨到伊，伊手裡的索就親像過火燒的麻，所縛伊的索就對伊的手落落去。 |
| 15:15 | 伊看見驢一支新的嘴䩃骨，就伸手拾伊，用來拍死一千人。 |
| 15:16 | 參孫講：我用驢的嘴䩃骨拍死人一堆一堆，我用驢的嘴䩃骨拍死一千人。 |
| 15:17 | 講息，就將手裡的嘴䩃骨㧒擲。彼所在就叫拉末利希。 |
| 15:18 | 參孫嘴乾到極，就求叫耶和華講：「你既然用你的奴僕的手行即大的拯救，總無我今著嘴乾來死、陷落佇無受割禮的人的手嗎？」 |
| 15:19 | 上帝就互利希塌窩的所在裂開，有水對遐淐出來。參孫飲了，精神復倒閣活動；對按呢號彼個水泉叫隱哈歌利，彼個水泉到今仔日猶佇利希。 |
| 15:20 | 當非利士人的時，參孫做以色列的士師二十年。 |
