台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

撒母耳記下第2章

章節快速選擇 :

上下篇聖經查閱：撒母耳記上列王紀上回到目錄

2:1	後來，大衛問耶和華講：「我上去猶大一個城通嗎？」耶和華給伊講：「通上去。」大衛講：「我著上去叨落？」伊講：「到希伯崙。」
2:2	大衛就及伊二個某──就是耶斯列人亞希暖，及迦密人曾做拿八的某名亞比該──攏上去遐。
2:3	大衛也互跟隨伊的人及𪜶逐人的家眷攏上去，𪜶就踮佇希伯崙許個城。
2:4	猶大人到，佇遐用油抹大衛做猶大家的王。有人給大衛講：「埋葬掃羅的是基列雅比的人。」
2:5	大衛就差使者去見基列雅比的人，給𪜶講：「願耶和華賜福恁！因為恁用此個仁慈款待你的主──掃羅；給伊埋葬。
2:6	願耶和華用仁慈誠實款待恁，我也欲答恁此個仁慈，因為恁有行此個事。
2:7	恁的手著嚴硬，恁著勇敢，因為恁的主──掃羅已經死。猶大族也有用油抹我做𪜶的王。」
2:8	掃羅的軍長尼珥的子押尼珥，曾將掃羅的子伊施波設帶伊過去瑪哈念，
2:9	設立伊做王，治理基列、亞書利、耶斯列、以法蓮、便雅憫，及以色列的眾人。
2:10	掃羅的子伊施波設起頭做以色列王，彼時四十歲，坐位二年；獨獨猶大族隨大衛。
2:11	大衛佇希伯崙做猶大族的王，歷過七年閣六月日。
2:12	尼珥的子押尼珥及掃羅的子伊施波設的人臣對瑪哈念出來，去基遍。
2:13	洗魯雅的子約押及大衛的人臣也出來，佇基遍的池邊相抵著；𪜶就坐啲，一隊坐佇池的此旁，一隊坐佇池的彼旁。
2:14	押尼珥對約押講：「請你互少年人起來，佇咱的面前滾笑。」約押講：「通互伊起來。」
2:15	𪜶就起來照數額過去：屬掃羅的子伊施波設的便雅憫人十二名，大衛的人臣也有十二名，
2:16	逐個搝伊對面彼人的頭殼，用刀鑿伊對面彼人的脅，做一下倒落去死。所以，彼所在叫做希利甲哈素林，就是佇基遍。
2:17	彼日的交戰真雄，押尼珥及以色列人卡輸佇大衛的兵的面前。
2:18	佇遐有洗魯雅三個子：約押、亞比篩、亞撒黑。亞撒黑的腳𠢕走親像野鹿一般；
2:19	亞撒黑追趇押尼珥無偏左右，直直趇押尼珥。
2:20	押尼珥越頭看講：「亞撒黑啊，是你抑呣是？」應講：「是我。」
2:21	押尼珥給伊講：「你著越轉正旁抑是倒旁，掠一個少年人，為你本身剝伊的戰衫。」總是亞撒黑直直追伊，呣肯越轉。
2:22	押尼珥閣給亞撒黑講：「你越轉莫得追趇我！我啥事著拍你倒地？若按呢，我有甚麼面目通去見你的兄約押？」
2:23	伊猶原呣肯越轉。押尼珥才用槍柄後的刀鑿入伊的腹肚，槍就𥦁過伊的尻脊後，伊就倒佇遐死。見若來到亞撒黑倒啲死的所在，就攏停腳。
2:24	約押及亞比篩追趇押尼珥；𪜶到基亞相對面的亞瑪山，佇基遍曠野的路，日就落。
2:25	便雅憫人聚集，隨押尼珥做一陣徛佇山頂。
2:26	押尼珥叫約押講：「刀劍刣人永無息嗎？你豈呣知到尾有艱苦嗎？你欲到甚麼時互百姓倒去、無趇𪜶的兄弟啊？」
2:27	約押講：「我指永活的上帝來咒誓：若呣是你講，早起百姓就倒去，無趇伊的兄弟。」
2:28	對按呢約押歕哨角，眾百姓就徛啲，無閣追趇以色列人，也無閣交戰。
2:29	押尼珥及隨伊的人通暝行經過亞拉巴，過約但，對畢倫過去，到瑪哈念。
2:30	約押無閣趇押尼珥就倒來，聚集眾百姓，大衛的兵減十九人及亞撒黑。
2:31	總是大衛的兵拍死便雅憫人及隨押尼珥的人，共三百六十人。
2:32	𪜶扛亞撒黑去伯利恆，埋葬佇𪜶老父的墓。約押及隨伊的人通暝行，到希伯崙的時天抵仔光。

- 本章節結束 -

聯繫資訊

線上台語聖經

台語聖經

撒母耳記下第2章

快速導航

相關資訊

聯絡麥穗田

聯繫資訊

線上台語聖經

台語聖經

撒母耳記下 第2章

撒母耳記下第2章