走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 大衛結尾的話排列佇下底。耶西的子大衛講得著升高的人，是雅各的上帝所抹油的，佇以色列𠢕做歌者的講： |
|---|---|
| 23:2 | 耶和華的神用我來講：伊的話佇我的舌。 |
| 23:3 | 以色列的上帝有講，以色列的石磐對我講：用公義治理人，敬畏上帝來治理的， |
| 23:4 | 伊欲親像透早日抵仔出的光，無雲的清早，雨落過身的光彩，互地發幼幼的草。 |
| 23:5 | 我的家佇上帝的面前呣是按呢；猶久伊有及我立永遠的約。無呣照次序排列閣堅固，雖然伊無互伊生長，這就是我一切的拯救，一切的意願。 |
| 23:6 | 總是匪類攏親像莿仔欲受割拺：人呣敢用手提伊； |
| 23:7 | 欲摸伊的人著用鐵器及槍柄，佇伊的所在欲互火一盡燒去。 |
| 23:8 | 大衛勇士的名記佇下底：軍長的頭，他革捫人約設巴設，就是伊斯尼人亞底羅，一時拍死八百人。 |
| 23:9 | 閣一個是亞合人朵多的子以利亞撒。前非利士人聚集欲交戰，以色列人已經去，有三個勇士隨大衛對非利士人討戰，伊是𪜶中間的一個。 |
| 23:10 | 伊起來拍非利士人，到手酸，手及劍相粘。彼日耶和華大大卡贏；眾百姓越轉佇伊的後面，顧搶物若定。 |
| 23:11 | 閣一個是哈拉人亞基的子沙瑪。有一日，非利士人聚集成陣，佇一區紅豆的園，百姓就佇非利士人的面前逃走。 |
| 23:12 | 伊擋住佇彼區園，來保守伊，拍非利士人，耶和華大大卡贏。 |
| 23:13 | 收割的時，三十個首領中有三人落去到亞杜蘭洞見大衛。非利士人的軍兵紮營佇利乏音的山谷。 |
| 23:14 | 彼時大衛佇山寨，非利士人防守的兵佇伯利恆。 |
| 23:15 | 大衛欣羨，講：「是誰會用伯利恆城門邊的井水互我飲？」 |
| 23:16 | 此三個勇士就衝過非利士人的營盤，對伯利恆城門邊的井汲水，涫來互大衛。總是伊呣甘飲，就傾佇耶和華的面前， |
| 23:17 | 講：「耶和華啊，我決斷呣做按呢；此豈呣是拼命去的人的血。」所以伊呣飲。此三個大勇士有做諸個代誌。 |
| 23:18 | 洗魯雅的子、約押的小弟亞比篩是做三個勇士的頭人；伊抬伊的槍拍死三百人，就佇三個勇士中有名。 |
| 23:19 | 伊豈呣是三個勇士中的第一尊貴的嗎？所以做𪜶的頭，總是不及前三個勇士。 |
| 23:20 | 閣有甲設人大勇士耶何耶大的子比拿雅，伊有行出多多大事；伊刣死摩押人亞利伊勒二個子，閣佇落雪的時落坑內，刣死一隻獅， |
| 23:21 | 閣刣死埃及一個大漢人；埃及人手裡抬槍，比拿雅只有抬槌落去伊遐，搶埃及人手裡的槍，用彼支槍給伊剗死。 |
| 23:22 | 這是耶何耶大的子比拿雅所行的事，就佇三個勇士中得著名。 |
| 23:23 | 伊比三十個勇士卡尊貴，總是不及前三個勇士。大衛設立伊做伊的侍衛長。 |
| 23:24 | 三十個勇士中有約押的小弟亞撒黑；閣有伯利恆人朵多的子伊勒哈難， |
| 23:25 | 哈律人沙瑪，哈律人以利加， |
| 23:26 | 帕勒提人希利斯，提哥亞人益吉的子以拉， |
| 23:27 | 亞拿突人亞比以謝，戶沙人米本乃， |
| 23:28 | 亞合人撒們，尼陀法人瑪哈萊， |
| 23:29 | 尼陀法人巴拿的子希立，便雅憫族、基比亞人利拜的子以太； |
| 23:30 | 比拉頓人比拿雅，迦實溪人希太； |
| 23:31 | 伯亞拉巴人亞比亞本，巴魯米人押斯瑪弗， |
| 23:32 | 沙本人以利雅哈巴，雅善諸個子中的約拿單， |
| 23:33 | 哈拉人沙瑪，哈拉人沙拉的子亞希暗， |
| 23:34 | 瑪迦人亞哈拜的子以利法列，基羅人亞希多弗的子以連， |
| 23:35 | 迦密人希斯萊，亞巴人帕萊， |
| 23:36 | 瑣巴人拿單的子以甲，迦得人巴尼， |
| 23:37 | 亞捫人洗勒，比錄人拿哈萊（是給洗魯雅的子約押抬軍器的）， |
| 23:38 | 以帖人以拉，以帖人迦立， |
| 23:39 | 赫人烏利亞，共三十七人。 |
