台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約伯記第11章

章節快速選擇 :

上下篇聖經查閱：以斯帖記詩篇回到目錄

11:1	拿瑪人瑣法應講：
11:2	話許多豈呣著應嗎？厚話的人豈通稱做義嗎？
11:3	你啲誇口人豈著靜靜嗎？你啲恥笑的時無人互你見誚嗎？
11:4	你講：我的道理純全；我佇你的目睭前清氣。
11:5	總是願上帝講話；閣開伊的嘴辯駁你，
11:6	指示你智慧的奧妙；這智慧有逐般的功效。你著知上帝無攏總記得你的罪過。
11:7	你豈會測徛上帝的奧妙嗎？你豈會測徛全能者到徹底嗎？
11:8	伊高親像天，你猶會做甚麼？比陰間卡深，你猶會知甚麼？
11:9	伊的量是比地卡長，比海卡闊。
11:10	伊若經過，來關禁人，召人審判，是誰會阻擋伊啊？
11:11	因為伊知虛假的人；雖然無注意，也攏看見罪過。
11:12	空虛的人攏無心思；人出世親像野驢的驢子。
11:13	你若端正你的心，閣向伊抬起手；
11:14	你的手內若有罪過，就著除去遠遠，也呣通容允不義踮佇你的布棚內。
11:15	彼時，你的確抬起你無瑕疵的面；你也欲徛在，攏無驚惶。
11:16	因為你欲𣍐記得你的艱苦，就若記得也親像水流過去一樣。
11:17	你的生活卡贏日中晝，雖然暗猶原親像早起時。
11:18	你欲安穩因為有所向望；你欲四界巡看，就通安心睏。
11:19	你欲倒啲，也無有拍驚你的，閣有多多人對你求恩。
11:20	總是歹人的目睭欲花。𪜶無路通逃走；𪜶所向望親像氣斷。

- 本章節結束 -