經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
22:1 | 提幔人以利法應講: |
---|---|
22:2 | 人豈會利益上帝嗎?智慧的人實在是利益家己。 |
22:3 | 你做人公義,豈互全能者歡喜嗎?你所行完全,豈會互伊得利嗎? |
22:4 | 豈是因為你敬畏伊,來責備你、審判你嗎? |
22:5 | 你的罪惡豈呣是大嗎?你的罪過實在無窮盡; |
22:6 | 你無因端提兄弟的當頭,閣褪無通穿的人的衫。 |
22:7 | 厭倦的人,你無用水互𪜶飲;枵餓的人,你對𪜶收囥食物。 |
22:8 | 有能力的人得著土地;體面的人踮佇彼中間。 |
22:9 | 你互寡婦空手倒去,無父的子的手骨受遏折。 |
22:10 | 所以,活罩四面圍你,驚惶忽然到攪擾你; |
22:11 | 抑是黑暗互你無通看見,多多水淹密你。 |
22:12 | 上帝豈呣是佇天的高嗎?著看星辰的極頭怎樣許高! |
22:13 | 你就講:上帝知甚麼?伊豈會看透黑暗來審判嗎? |
22:14 | 密雲遮蓋伊,互伊𣍐看見;伊行佇穹蒼的頂面。 |
22:15 | 你豈愛趁古早的路,就是歹人所行的嗎? |
22:16 | 𪜶是未到時受滅去,𪜶的地基互大水流去。 |
22:17 | 𪜶對上帝講:著離開阮!閣講:全能者會給阮做甚麼啊? |
22:18 | 總是伊用好物充滿伊的厝;願歹人的計謀離開我遠遠。 |
22:19 | 義人欲看見來歡喜;無罪的人欲恥笑𪜶; |
22:20 | 講:許個起來攻擊阮的果然受剪除,𪜶所剩的攏互火燒去。 |
22:21 | 今你著及上帝親蜜,就會得著平安;按呢福氣欲臨到你。 |
22:22 | 今著承受伊嘴內的教示,將伊的話囥佇你的心。 |
22:23 | 你若歸向全能者,對你的布棚內除去不義,你就得著興起。 |
22:24 | 你著㧒寶貝佇塵埃裡,㧒俄斐的金佇溪河石頭的中間; |
22:25 | 全能者就欲做你的寶貝,做你的紋銀。 |
22:26 | 你就欲掠全能者做歡喜,面抬高向上帝。 |
22:27 | 你祈禱伊,伊就聽你;你也欲謝你的願。 |
22:28 | 你定著欲做甚麼,彼個代誌的確成;光也欲照你的路。 |
22:29 | 𪜶降低的時,你猶原通講:升高;謙卑的人,上帝欲拯救伊。 |
22:30 | 連有罪的人,上帝也欲救伊;因為你的手清氣,伊欲得著救。 |