經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
9:1 | 約伯應講: |
---|---|
9:2 | 我真正知是按呢;因為人佇上帝的面前豈會算做義啊? |
9:3 | 若欲及伊辯論,千項也𣍐應伊一項。 |
9:4 | 伊的心是智慧,伊的力是大。是誰抵抗伊也得著安然? |
9:5 | 伊移徙山,山也呣知,伊受氣中互山崩落去。 |
9:6 | 伊互地振動,離開伊的本位,地的柱就搖泏。 |
9:7 | 伊命令日,日就無出,閣封密眾星。 |
9:8 | 伊家己展開天,閣行踏佇海湧的頂面。 |
9:9 | 伊創造北斗、參星、昴星,及南方的密宮; |
9:10 | 伊行代誌大,到𣍐測徛得,行奇事,算𣍐了。 |
9:11 | 看啊,伊對我遮經過,我也無看見;伊行過去,我也呣知。 |
9:12 | 看啊,伊搶去,是誰會阻擋伊?是誰敢問伊:你做甚麼? |
9:13 | 上帝的確無收回伊的受氣;扶助拉哈伯的,屈落佇伊的下面。 |
9:14 | 何況,我豈可敢應伊,抑是揀甚麼話來及伊辯論? |
9:15 | 我雖然是公義,也呣敢應伊,獨獨對審判我者求恩。 |
9:16 | 我若求叫伊,伊若應我;我也呣信伊有聽我的聲。 |
9:17 | 因為伊用大風拍我,無緣故加添我的傷。 |
9:18 | 伊呣容允我喘一個氣,獨獨用苦充滿我。 |
9:19 | 若論強猛,看啊,伊的力佇遮!若論審判,是誰會給我定著期日? |
9:20 | 我雖然做義,我家己的嘴欲定我的罪;我雖然完全,伊欲顯明我的橫逆。 |
9:21 | 我是完全的,我無顧家己;我看輕我的活命。 |
9:22 | 通通是一樣,所以我講,完全者及行歹者,伊攏剿滅。 |
9:23 | 災禍若忽然拍死人,伊就恥笑無罪的人抵著試煉, |
9:24 | 世界交付佇歹人的手;伊遮蓋審判司的面,若呣是伊,是是誰啊? |
9:25 | 我的日子比走文書者卡緊,緊緊過去,無看見甚麼福氣。 |
9:26 | 緊緊過去親像快船,閣親像鷹緊緊飛落去搙物。 |
9:27 | 我若講:欲𣍐記得我的哀怨,欲解我的憂容,做歡喜; |
9:28 | 我就驚我諸個憂苦,因為我知你的確無掠我做無罪。 |
9:29 | 我欲受定罪,我啥事空空著磨啊? |
9:30 | 我若用雪的水家己洗,用鹼清氣我的手, |
9:31 | 你欲㧒我佇溝仔底,我的衫也欲厭惡我。 |
9:32 | 因為伊呣是世間人親像我,互我通應伊,也互阮通對訊。 |
9:33 | 阮中間無有判斷者,通互阮二彼降服伊。 |
9:34 | 願伊徙伊的柺仔離開我,無用伊的威嚴互我驚。 |
9:35 | 我就敢講,也無驚伊,總是我本呣是彼款。 |