走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 後來，約伯開嘴咒詛伊的日， |
|---|---|
| 3:2 | 約伯開嘴講： |
| 3:3 | 我出世的日，願彼個日無去；講：有懷孕查甫子彼暝，願彼個暝也無去。 |
| 3:4 | 願彼個日變做黑暗；願上帝無對頂面看顧伊；光也無照伊。 |
| 3:5 | 願黑暗及死蔭侵取伊；願密雲停佇伊的頂面；願互日變黑暗的拍驚伊。 |
| 3:6 | 論到彼暝，願黑暗搶去，願伊無及年中許個日同歡喜，也無入佇許個月的數額。 |
| 3:7 | 啊！願彼暝無有生子，𪜶中間無歡喜的聲。 |
| 3:8 | 願許個咒詛日的咒詛伊以及許個會激動龍的咒詛伊。 |
| 3:9 | 願彼暝天昲光的星變黑暗，願伊向望光也𣍐得著，也無看見早起時天拆合； |
| 3:10 | 因為無關密生我的子宮，也無對我的目睭遮蓋患難。 |
| 3:11 | 我啥事無佇胎裡就死？啥事出腹肚無續斷氣？ |
| 3:12 | 啥事有腳頭窩接我？啥事有奶互我吸？ |
| 3:13 | 若無按呢，我已經倒啲來安然已經睏來靜靜， |
| 3:14 | 及地上列王、謀士相及佇啲，𪜶曾為家己起造拋荒的所在， |
| 3:15 | 抑是及有金的首領佇啲，𪜶曾用銀充滿𪜶的厝的； |
| 3:16 | 抑是親像磕落娠來掩密的，我就無去，親像未見著光的嬰仔。 |
| 3:17 | 佇遐歹人息伊的攪擾，佇遐厭倦者得著安息， |
| 3:18 | 佇遐受掠者人相及得著安然，無聽見督工者的聲。 |
| 3:19 | 序細序大攏佇遐；奴僕脫離伊的主人。 |
| 3:20 | 受苦難的人啥事互伊有光啊？心內憂苦的人啥事互伊有活命？ |
| 3:21 | 𪜶向望死，也𣍐得著；尋伊，比掘囥密的寶貝卡出力。 |
| 3:22 | 𪜶尋著墳墓就快樂，歡喜到𣍐顧得。 |
| 3:23 | 人的前途已經暗摸摸，上帝四面圍困伊，啥事互伊有光啊？ |
| 3:24 | 因為我用吐氣替食物；我大聲哮親像大水淐出。 |
| 3:25 | 因為我所真驚的臨到我，我所驚惶的到佇我。 |
| 3:26 | 我𣍐得著安然，𣍐得著平靜，𣍐得著安息，總是有患難來。 |
