經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
38:1 | 彼時,耶和華對大風的中間應約伯講: |
---|---|
38:2 | 今一個用無知的話,互所議論的無明,是是誰啊? |
38:3 | 你著縖腰親像大丈夫;我問你,你應我。 |
38:4 | 我下地的地基,彼時你佇叨落?你若知影,就講伊。 |
38:5 | 是誰定著伊的寸尺?是誰牽繩索佇伊的頂面,你知嗎? |
38:6 | 伊的地基祀佇甚麼的頂面?抑是伊角頭的石,是誰安置啊? |
38:7 | 當彼時,天光早的星相及唱歌;上帝的眾子也攏出歡喜的聲。 |
38:8 | 大海衝出,親像對胎裡出來,彼時是誰用門關伊? |
38:9 | 彼時我用雲做伊的衫,用黑暗做布包伊, |
38:10 | 給伊定著我所立的界限,閣給伊設門楗及門, |
38:11 | 講:你通到遮,呣通𨃟過,你驕傲的湧到遮為止。 |
38:12 | 對你出世的日以來,你曾命令早起時,互天光早知伊的所在, |
38:13 | 互伊搝地的四極,將歹人搬出去? |
38:14 | 伊就變換親像過印的土,𪜶出現親像衣服。 |
38:15 | 歹人所算做𪜶的光,今對𪜶收倒轉;抬高的手欲遏折。 |
38:16 | 你曾入海的水源嗎?抑是曾行佇深淵秘密的所在嗎? |
38:17 | 死無的門有給你開嗎?死蔭的門你曾看見嗎? |
38:18 | 地的闊大,你有看透無?你若一盡知,做你講! |
38:19 | 光明徛起的所在彼條路對叨落去?閣黑暗的所在佇叨落? |
38:20 | 通互你導伊倒去伊的境界?你會知影透到伊的厝的路嗎? |
38:21 | 你知啦!因為彼時你已經出世,你年歲的數額也多。 |
38:22 | 你曾入雪的庫房,抑是看見雹的府庫? |
38:23 | 就是我所收囥來聽候患難的期,聽候相刣交戰的日嗎? |
38:24 | 光對甚麼路分開?東風對甚麼路四界吹佇地上? |
38:25 | 是誰給大雨水開路?抑是備辦雷電的路? |
38:26 | 來落雨佇無人的地,佇無人徛起的曠野? |
38:27 | 互拋荒荒廢的地得著夠額,互青草發生? |
38:28 | 雨水有老父嗎?露水一點一點是誰生的啊? |
38:29 | 冰對甚麼的胎出?天的霜是是誰生的啊? |
38:30 | 諸個水堅𠕇親像石頭;深淵的面結歸塊。 |
38:31 | 昴星歸簇是你縛的嗎?參星的帶是你解的嗎? |
38:32 | 你互十二宮照伊的時候出來?也導北斗及伊所屬的星嗎? |
38:33 | 你知天的定例嗎?抑是設伊的權管轄地嗎? |
38:34 | 你會出聲叫雲,互雨水多多遮蓋你嗎? |
38:35 | 你會發出閃爁,𪜶就去,對你講;阮佇遮? |
38:36 | 是誰用智慧下佇內面?是誰賞賜聰明佇心內? |
38:37 | 是誰會用智慧算雲的數額?是誰會傾天的盆? |
38:38 | 彼時,塵埃成做土糜,土就結歸團? |
38:39 | 你有給母的獅、搙著食物,互獅仔肫食飽嗎? |
38:40 | 就是伊佇穴內撐腳,佇隱密的所在匿啲的時。 |
38:41 | 烏鴉子向上帝哀求,無通食飛來飛去的時;是誰為烏鴉備辦食物啊? |