走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 人佇世間豈呣是勞苦的時期嗎？伊的日子豈呣是親像倩工人的日子嗎？ |
|---|---|
| 7:2 | 親像奴僕切切欣慕日落的影，親像倩工人向望工錢； |
| 7:3 | 我也按呢一定經過多多空虛的月，閣有厭倦的暝給我定著。 |
| 7:4 | 我倒啲的時就講：甚麼時通起來，暝到許長？我翻來翻去，直直到天光。 |
| 7:5 | 我歸身軀攏是蟲及歸塊的土；我的皮膚收嘴就閣出膿。 |
| 7:6 | 我的日子比梭卡緊，直直過去無所向望。 |
| 7:7 | 著記得我活命，若喘一個氣；我的目睭𣍐閣看見好景。 |
| 7:8 | 看我的人，伊的目睭欲無閣看見我；你的目睭欲相我，總是我無佇啲。 |
| 7:9 | 雲消散就過去；按呢，人落陰間也𣍐閣起來。 |
| 7:10 | 伊無閣到來家己的家；本所在也無閣認得伊。 |
| 7:11 | 所以我無欲約束我的嘴；我的神憂苦，我欲按呢講出；我的心苦痛，我欲按呢分訴。 |
| 7:12 | 我豈是大海，抑是蛟龍嗎？你竟然設一個監視我的啊？ |
| 7:13 | 我若講：我的眠床欲安慰我，我的床舖欲解我的憂悶， |
| 7:14 | 你就用眠夢互我驚，用異象互我愞， |
| 7:15 | 致到我愛摧死，愛死無，卡贏剩諸個骨。 |
| 7:16 | 我厭恨生命，呣愛永遠活啲。願你出在我，因為我的日子攏是空虛。 |
| 7:17 | 人是甚麼，致到你掠伊做大，致到你將伊掛佇心裡？ |
| 7:18 | 致到你逐早起鑑察伊，時刻試驗伊？ |
| 7:19 | 你欲到底時才越轉無看我，寬我霎仔久，互我吞涎唧？ |
| 7:20 | 鑑察人的啊，我若有罪，礙著你甚麼？你啥事用我做你箭靶，致到我看家己做重擔？ |
| 7:21 | 你啥事呣赦免我的過失，除去我的罪過？因為我今欲倒佇塵埃；你欲致意尋我，總是我已經無佇啲。 |
