走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 31:1 | 我及我的目睭立約，豈可會注意看在室女啊？ |
|---|---|
| 31:2 | 因為上帝對頂面所定著的份額，全能者對頂面所派的基業是甚麼啊？ |
| 31:3 | 豈呣是患難臨到不義者，災禍臨到作孽者嗎？ |
| 31:4 | 伊豈呣是鑑察我的路，點算我的腳步嗎？ |
| 31:5 | 我若及虛假相及行，腳若趕緊隨詭詐； |
| 31:6 | （願我互公道的天秤來秤，互上帝知我的純全；） |
| 31:7 | 我的腳步若偏離正路，我的心若跟隨我的目睭，若有垃墋粘佇我的手； |
| 31:8 | 就願我所種的別人食伊，我所出產的，伊的根受拔出。 |
| 31:9 | 我的心若互婦女引誘去，抑是我匿佇厝邊的門啲等， |
| 31:10 | 就願我的婦仁人給人挨磨，別人也及伊同房。 |
| 31:11 | 因為這是大歹，是審判司應該辦的罪。 |
| 31:12 | 這是火，燒到滅無，拔除我一切所出產者的根。 |
| 31:13 | 我的奴僕女婢及我辯論的時，我若藐視𪜶的理由； |
| 31:14 | 就上帝起來，我欲怎樣啊？伊審問，我欲怎樣應啊？ |
| 31:15 | 造我佇胎裡的，豈呣是也造伊嗎？造成阮佇腹肚的豈呣是一個嗎？ |
| 31:16 | 我若禁止喪鄉人的意願，抑是互寡婦的目睭看到煙暈， |
| 31:17 | 抑是我家己食淡薄物，無父的子食無份啊；（ |
| 31:18 | 對我少年伊及我相及大漢，親像及老父一樣；我對出老母的腹肚就牽成寡婦。） |
| 31:19 | 我若看見人因為無衫來死，抑是看見喪鄉人身驅無通遮蓋； |
| 31:20 | 伊的腰若無給我祝福，伊也無對我的羊的毛家己燒； |
| 31:21 | 我若因為看見佇城門有幫助我的，就起手攻擊無父的子； |
| 31:22 | 願我的手對肩胛徛落去，我的手節對骨折去。 |
| 31:23 | 因為對上帝來的災禍互我驚惶；因為伊的威嚴，我當𣍐起。 |
| 31:24 | 我若用黃金做向望，對好金講：你是我所倚靠的； |
| 31:25 | 我若因為財物豐盛，因為我的手趁多多來歡喜； |
| 31:26 | 我若看見日啲發光，月光光啲行， |
| 31:27 | 我的心佇暗中受引誘，抑是我的嘴及我的手相唚； |
| 31:28 | 這也是審判司應該辦的罪，因為我按呢是悖謬佇頂面的上帝。 |
| 31:29 | 我若掠怨恨我者的災禍做快樂，抑是為著伊抵著災禍來得意；（ |
| 31:30 | 其實我無容允我的嘴犯罪，咒詛求互𪜶死；） |
| 31:31 | 若我布棚內的人無講，是誰會尋著一個無食伊的好物到飽者？（ |
| 31:32 | 出外人無歇佇街路，我給行路的人開門；） |
| 31:33 | 我若親像亞當遮掩我的過失，囥我的罪孽佇我的胸前； |
| 31:34 | 為著驚大隊的眾人，驚宗族的藐視，致到靜靜呣敢出門； |
| 31:35 | 願有一個啲聽我！（看啊，有我所畫的號，願全能者應我！） |
| 31:36 | 願得著我的對敵所寫的告狀！我的確欲背伊佇我的肩頭，戴伊做冕旒。 |
| 31:37 | 我欲對伊講明我腳步的數額，欲親像人君就近伊。 |
| 31:38 | 我的田園若出聲告我，犁溝相及啼哭； |
| 31:39 | 我若食伊的出產無互伊價錢，抑是互業主失落伊的生命； |
| 31:40 | 就願茦仔發生替小麥，歹草發生來替大麥。約伯的話明白啦。 |
