走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 以色列是茂盛的葡萄樹，伊結伊的果子。伊的果子結愈多，就起祭壇愈多；土地愈肥，就造柱像愈娞。 |
|---|---|
| 10:2 | 𪜶存二樣的心，今欲受定罪。耶和華欲拆𪜶的祭壇，毀𪜶的柱像。 |
| 10:3 | 因為𪜶今欲講：阮無王，因為阮無敬畏耶和華。王會替阮做甚麼？ |
| 10:4 | 𪜶講白賊話，濫糝咒誓立約；所以，審判發起親像園溝的茵蔯。 |
| 10:5 | 撒瑪利亞徛起的百姓欲因為伯亞文的牛仔驚惶；因為伊許個百姓欲為著伊憂悶，伊的祭司為著伊的榮光無去，也欲愕愕惙。 |
| 10:6 | 伊欲互人帶到亞述做禮物，來送互耶雷布王。以法蓮欲受凌辱；以色列欲為著家己的計謀來見誚。 |
| 10:7 | 論到撒瑪利亞，伊的王滅無，親像水面的沫一樣。 |
| 10:8 | 亞文的山頭──以色列的罪，欲抵著毀滅；莿帕及蒺藜欲發佇𪜶許個壇頂。𪜶欲對大山講：蓋阮！對小山講；壓阮！ |
| 10:9 | 以色列啊，你對基比亞的日以來就犯罪。𪜶佇遐徛，免得佇基比亞攻擊不義的人的交戰到佇𪜶。 |
| 10:10 | 我有注意的時就欲責罰伊。𪜶互二項罪把縛的時；列邦欲聚集來攻擊𪜶。 |
| 10:11 | 以法蓮是快上教母的牛仔，愛踏五穀的，我用軛掛佇伊肥娞的頷頸，我欲互以法蓮拖車。猶大欲犁田；雅各欲耙鬆田土。 |
| 10:12 | 恁著為家己用公義撒種，照仁慈來收割。開墾拋荒的地；因為這是尋求耶和華的時，聽候伊來，用公義親像雨降落佇恁。 |
| 10:13 | 恁曾種作奸惡，收成罪過，食白賊的果子。因為倚靠家己的所行，也倚靠你多多的勇士。 |
| 10:14 | 所以佇你的百姓中欲興起擾亂，你攏總的衛所欲受拆毀，是親像沙勒幔佇交戰的日拆毀伯亞比勒，彼時做老母的及𪜶的子做一下受摔死。 |
| 10:15 | 伯特利也欲按呢款待恁，因為恁的大歹。到天光，以色列王決斷欲滅無。 |
