走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 以色列啊，莫得歡喜，莫得快樂親像外邦人；因為你行邪淫離開你的上帝，佇逐個五穀場愛人送物。 |
|---|---|
| 9:2 | 五穀場及酒窟無欲養飼𪜶；向望新酒也空空。 |
| 9:3 | 𪜶無通徛起耶和華的地；總是以法蓮欲倒去埃及，欲佇亞述食無清氣的食物。 |
| 9:4 | 𪜶無通向耶和華奠酒，𪜶的祭物也無得著伊歡喜。欲親像抵著死失的家的食物，見若食者的確染著垃墋；因為𪜶的食物通做家己的路用，𣍐通入耶和華的殿。 |
| 9:5 | 佇大會的日，及耶和華的節期，恁欲怎樣做啊？ |
| 9:6 | 看啊，𪜶閃避災害去；埃及人欲聚集𪜶，摩弗人欲埋葬𪜶。𪜶用銀所做通意愛的，欲發蒺蔾；𪜶的帳房內欲發莿帕。 |
| 9:7 | 刑罰的日已經到，報應的日已經到。以色列欲知，先知愚戇；受神感動者癲狂，因為你的罪過真多，怨恨也真大。 |
| 9:8 | 以法蓮及咱的上帝做守望者；論到先知，佇伊攏總的路做掠鳥的羅網，佇伊的上帝的厝內囥怨恨。 |
| 9:9 | 𪜶深深家己敗壞，親像佇基比亞的日。伊欲記得𪜶的罪過，辦𪜶的罪惡。 |
| 9:10 | 我尋著以色列親像葡萄佇曠野；我看見恁的列祖親像無花果頭季起頭熟的果子。總是𪜶就近巴力毗珥專心敬拜彼個通見誚者，就成做可惡者，及𪜶所戀愛者一樣。 |
| 9:11 | 論到以法蓮，𪜶的榮光欲親像鳥飛去，欲無生子，無帶娠、無懷孕。 |
| 9:12 | 就若飼子到大漢，我也欲互伊死子，到無留一個。我離開𪜶，𪜶就有災禍。 |
| 9:13 | 我看以法蓮親像推羅，栽佇肥的地。總是以法蓮欲導伊的子兒出來，交互刣死人者。 |
| 9:14 | 耶和華啊，你著互𪜶──欲互𪜶甚麼？互𪜶磕落娠的胎，奶乾去。 |
| 9:15 | 𪜶一切的歹代攏佇吉甲；我佇遐怨恨𪜶。因為𪜶所行的歹，我欲對我的家趕𪜶出去，無閣疼惜𪜶；𪜶的首領攏是悖逆者。 |
| 9:16 | 以法蓮受拍，𪜶的根頭枯焦，𣍐會結果子，𪜶就若生子，我欲刣死𪜶所生所疼者。 |
| 9:17 | 我的上帝的確棄絕𪜶，因為𪜶呣聽趁伊；𪜶也的確漂流佇列國中。 |
