走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 祭司啊，恁著聽此個！以色列家啊，恁著注意！王親啊，恁著俯耳孔！因為審判關係佇恁，因為恁做活罩佇米斯巴，做羅網張佇他泊。 |
|---|---|
| 5:2 | 諸個悖逆的人大行刣人，我欲責罰𪜶。 |
| 5:3 | 我識以法蓮；以色列也𣍐隱密佇我。以法蓮啊，今你行淫，以色列染著垃墋。 |
| 5:4 | 𪜶所做的阻擋𪜶歸佇𪜶的上帝；因為淫亂的心佇𪜶內面，𪜶也呣識耶和華。 |
| 5:5 | 以色列的驕傲當面干證𪜶。所以，以色列及以法蓮欲因為𪜶的罪過來著觸；猶大也欲及𪜶相及著觸。 |
| 5:6 | 𪜶欲帶牛群羊群去尋耶和華，總是尋𣍐著；因為伊已經離開𪜶。 |
| 5:7 | 𪜶向耶和華行詭詐，偷生子。今到月的初一，𪜶及𪜶的產業欲受吞滅。 |
| 5:8 | 恁著佇基比亞歕哨角，佇拉瑪歕號頭，佇伯亞文出警告的聲，講：便雅憫啊，佇你的後面！ |
| 5:9 | 佇責罰的日，以法蓮欲拋荒；我佇以色列諸個支派中，互𪜶知將來的確有的事。 |
| 5:10 | 猶大的首領親像遷徙地界的人，我欲傾我的受氣佇𪜶的身上，親像傾水一樣。 |
| 5:11 | 以法蓮受暴虐，受審判壓制，因為伊甘心趁命令。 |
| 5:12 | 所以我對佇以法蓮親像蛀蟲，對佇猶大親像朽壞伊者。 |
| 5:13 | 以法蓮看見家己有病，猶大看本身有傷，以法蓮就去亞述，差人去見耶雷布王，伊𣍐會醫好你，也𣍐會互你的傷好。 |
| 5:14 | 我對佇以法蓮欲親像獅，對佇猶大家親像勇的獅。我欲拆裂才去，我欲咬去，無有救伊者。 |
| 5:15 | 今我欲去倒去我的所在，到𪜶認家己的罪，求見我的面；𪜶佇急難的時欲切切尋求我。 |
