走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 我愛醫治以色列的時，以法蓮的罪過及撒瑪利亞的罪惡就露現。因為𪜶行代誌虛假，內面有賊入來，外面有歸陣的搶劫。 |
|---|---|
| 7:2 | 𪜶心內無想講，我記得𪜶攏總的歹；今𪜶所做的圍困𪜶，是佇我面前。 |
| 7:3 | 𪜶用行歹互君王歡喜，用白賊互首領快樂。 |
| 7:4 | 𪜶攏是行淫者，親像煏餅的，起熱的火爐，伊對摶麵到伊發酵的時，才無閣挓火。 |
| 7:5 | 佇咱的王宴樂的日，諸個首領因為酒的烈來破病；伊及侮慢的人牽手。 |
| 7:6 | 𪜶埋伏的時陣，備辦𪜶的心親像火爐，𪜶煏餅的人通暝啲睏，到早起時伊𤏸親像火炎炎。 |
| 7:7 | 𪜶熱親像火爐，吞滅𪜶的士師。𪜶的君王攏倒落去；𪜶中間無人求叫我。 |
| 7:8 | 以法蓮家己參插佇列邦；以法蓮是無過反的餅。 |
| 7:9 | 外邦人已經吞食伊的能力，伊也呣知；頭毛已經參白，伊也呣知。 |
| 7:10 | 以色列的驕傲當面干證𪜶，雖然抵著這一切，𪜶猶原無歸向耶和華──𪜶的上帝，也無尋求伊。 |
| 7:11 | 以法蓮親像鴿仔戇戇無知；𪜶求叫埃及，去就近亞述。 |
| 7:12 | 𪜶去的時，我欲將我的網拋佇𪜶的頂面；我欲互伊墜落，親像空中的鳥。我欲照𪜶的會眾所聽見的，譴責𪜶。 |
| 7:13 | 𪜶有災禍啊，因為𪜶離開我去；𪜶欲抵著敗壞，因為𪜶得罪我。我欲救贖𪜶，𪜶猶久講白賊攻擊我。 |
| 7:14 | 𪜶無用心求我，是佇眠床喉叫；𪜶為著五穀及新酒來家己聚集，𪜶攏悖逆我。 |
| 7:15 | 我教督𪜶，互𪜶的手骨有力，𪜶猶久圖謀歹事來攻擊我。 |
| 7:16 | 𪜶歸向，總是呣是歸向至高者；𪜶親像反輪轉的弓。𪜶的首領因為舌的放縱欲倒佇刀下；此個欲佇埃及地做笑柄。 |
