經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
14:1 | 以色列啊,你著倒轉來歸耶和華──你的上帝;因為你對你的罪來跋倒。 |
---|---|
14:2 | 著備辦話倒轉來歸耶和華,對伊講:求你赦免攏總的罪,用恩典接納阮;阮就用嘴謳咾來替牲禮。 |
14:3 | 亞述𣍐會救阮,阮無閣騎馬,也無閣對阮的手所造的講:你是阮的上帝。因為無父的子對你得著憐憫。 |
14:4 | 我欲醫好伊的背叛,我欲白白疼𪜶;因為我已經對𪜶息我的受氣。 |
14:5 | 我欲佇以色列親像露水;伊欲開花親像百合花,伊欲伸根親像黎巴嫩。 |
14:6 | 伊的枝欲伸長;伊的娞欲親像橄欖樹;伊的芳欲親像黎巴嫩。 |
14:7 | 踮佇伊的蔭影者欲倒轉來,𪜶欲親像五穀閣翻青,開花親像葡萄樹。伊的芳欲親像黎巴嫩的酒。 |
14:8 | 以法蓮欲講:我及偶像猶有甚麼干涉啊?我有應伊,閣看顧伊。我親像青翠的松樹;你的果子對我來得著。 |
14:9 | 是誰是智慧的人,會明白諸個事;是誰是通達的人,會知諸個。因為,耶和華的道路是正直;義人欲行佇彼中間,悖逆的人欲跋倒佇彼頂面。 |
- 本章節結束 -
上一章