走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 以色列人啊，恁著聽耶和華的話。因為耶和華及此所在的人辯論，因為佇此個地方無誠實，無仁慈，無人識上帝。 |
|---|---|
| 4:2 | 只有咒誓背約，刣人、偷提、姦淫、強暴、刣人無息。 |
| 4:3 | 所以，此個地方欲悲哀，其中徛起的人，及田野的獸、空中的鳥攏欲衰微，海中的魚也欲無去。 |
| 4:4 | 總是人呣通辯論，呣通相責備，因為你的百姓親像及祭司辯駁者一樣。 |
| 4:5 | 你欲佇日時跋倒；先知也欲佇暝時及你相及跋倒；我欲滅無你的老母。 |
| 4:6 | 我的百姓因為無知來滅無。因為你棄拺智識，我也欲棄拺你，互你無通閣做祭司服事我。你既然𣍐記得你的上帝的律法，我也欲𣍐記得你的子兒。 |
| 4:7 | 𪜶加添愈多，就愈得罪我；我欲互伊的榮光變做凌辱。 |
| 4:8 | 𪜶食我的百姓的贖罪祭，意愛𪜶犯罪。 |
| 4:9 | 將來百姓怎樣，祭司也欲按呢；我欲因為𪜶所行的來辦𪜶，照𪜶所做的來報應𪜶。 |
| 4:10 | 𪜶食，也𣍐得著飽；行淫，也無加添人；因為𪜶放拺耶和華，呣聽趁伊。 |
| 4:11 | 淫行及酒，及新酒，是奪人的心。 |
| 4:12 | 我的百姓問𪜶的柴頭，閣𪜶的枴仔指示𪜶；因為𪜶行淫的心互𪜶失迷，𪜶行淫離開𪜶的上帝的管轄， |
| 4:13 | 𪜶獻祭佇山頂，燒香佇山頭，佇橡樹、楊樹、栗樹的下面，因為𪜶的蔭影的好。所以，恁的查某子淫亂，恁的新娘行淫。 |
| 4:14 | 恁的查某子淫亂，恁的新娘行淫，我無刑罰𪜶；因為許個查甫人及娼妓另外住，及廟內的妓女相及獻祭。此號無知的百姓的確捙倒。 |
| 4:15 | 以色列啊，你雖然行淫，總是猶大呣通犯罪。呣通去吉甲，也呣通上到伯亞文，也呣通指永活的耶和華來咒誓。 |
| 4:16 | 以色列硬鼻，親像硬鼻的牛母；今耶和華欲飼𪜶，親像飼羊佇開闊的地。 |
| 4:17 | 以法蓮結聯偶像，出在伊！ |
| 4:18 | 𪜶所飲的已經發酸，𪜶常常行淫，𪜶的官長真歡喜見誚事。 |
| 4:19 | 風用伊的翅捲伊；𪜶欲為著𪜶的祭祀致到見誚。 |
