走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 著對恁的兄弟講阿米，閣對恁的姊妹講路哈瑪。 |
|---|---|
| 2:2 | 著及恁老母辯論閣辯論；因為伊呣是我的某，我也呣是伊的丈夫。教伊除去面裡的淫亂及伊胸坎的淫行， |
| 2:3 | 免得我給伊褪光光，互伊親像抵仔出世的日，互伊親像曠野，親像乾燥的地，互伊對嘴乾來死。 |
| 2:4 | 我無欲憐憫伊的子，因為𪜶是對淫亂生的子。 |
| 2:5 | 因為𪜶的老母行淫亂，懷孕者做出見誚事，因為伊講：我欲隨我所戀愛的人；我的餅，水，羊毛，麻，油及我所飲的，攏是𪜶互我。 |
| 2:6 | 看啊，因為按呢，我欲用莿仔阻塞伊的路，築牆互伊尋無伊的路。 |
| 2:7 | 伊欲追趇所戀愛的人，若是趇𣍐著；伊欲尋𪜶，總是尋𣍐著，就講：我欲倒去尋我的本夫，因為我彼時的景況比現今猶卡好。 |
| 2:8 | 伊呣知伊的五穀、酒、油是我互伊，加添伊的銀及金的，也是我；伊用諸個服事巴力。 |
| 2:9 | 所以到收割的日，我欲將我的五穀對𪜶提倒轉，閣佇出酒的時，欲將我的新酒提倒轉，也欲將我互伊通遮赤體的羊毛及麻搶倒轉。 |
| 2:10 | 今我欲佇伊所戀愛的人的目睭前露出伊的淫行；的確無人會救伊脫離我的手。 |
| 2:11 | 我欲息𪜶許個宴樂、節筵、月的初一、安息日，及攏總的節期。 |
| 2:12 | 我也欲毀壞伊的葡萄樹及無花果樹，就是講「這是許個戀愛我者互我的禮數」。我欲互許個變做樹林，互野獸食伊。 |
| 2:13 | 伊前日燒香服事諸個巴力，閣用耳鈎及別號首飾家己妝飾，隨伊相戀愛的人，來𣍐記得我，因為按呢我欲辦伊。這是耶和華講的。 |
| 2:14 | 看啊，我欲招呼伊，導伊到曠野，用話安慰伊。 |
| 2:15 | 我也欲對遐賞賜伊葡萄園，閣賞賜伊亞割的山谷做向望的門。伊欲佇遐應聲，及少年的日無各樣，及對埃及地上來的日相同。 |
| 2:16 | 耶和華講：「當彼日你欲叫我講，我的丈夫啊，無閣叫我講，我的主啊； |
| 2:17 | 因為我欲對𪜶的嘴除去諸個巴力的名，無閣用此個名紀念伊。 |
| 2:18 | 當彼日，我欲為著𪜶，及田野的走獸及空中的飛鳥，以及地上的蟲徛立約；我也欲對此個地方遏折弓刀，交戰，互𪜶安然倒啲睏。 |
| 2:19 | 我欲聘定你永遠歸佇我，閣我欲用公義、公平、慈愛、憐憫聘定你歸我； |
| 2:20 | 我也欲用誠實聘定你歸我，你就欲識耶和華。 |
| 2:21 | 耶和華講：彼日我欲應答，我欲應答天，天欲應答地； |
| 2:22 | 地欲應答五穀、酒、油，諸個欲應答耶斯列。 |
| 2:23 | 我欲為家己栽種伊佇此個地。平素無得著憐憫者，我欲憐憫伊；呣是我的百姓者，我欲對伊講：你是我的百姓，伊也欲講，你是我的上帝。」 |
