走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 早前以法蓮講話，人攏愕愕惙，伊佇以色列中踮佇高位；總是伊佇巴力的事犯罪，就致到死。 |
|---|---|
| 13:2 | 今𪜶的罪過愈犯愈多，用𪜶的銀為家己妝佛，𪜶照𪜶的奇巧來造偶像，攏是師傅所做。𪜶議論講，獻祭的人著及牛仔唚嘴。 |
| 13:3 | 因為按呢，𪜶欲親像早起時的雲，也親像快快乾的露水，親像五穀場的冇粟互狂風吹去，閣親像煙對窗仔淐出去。 |
| 13:4 | 對你出埃及地的時，我做你的上帝──耶和華。我以外，你呣通認識別個上帝；閣我以外無有救主。 |
| 13:5 | 佇曠野乾燥的地，我已經識你。 |
| 13:6 | 𪜶照𪜶的米糧得著食飽；已經食飽，𪜶的心就自高，對按呢𣍐記得我。 |
| 13:7 | 所以，我對佇𪜶親像獅，閣親像豹匿佇路邊。 |
| 13:8 | 我抵著𪜶親像失落子的熊母，拆裂𪜶的胸脅。佇遐，我欲親像母的獅吞食𪜶；野獸欲拆裂𪜶。 |
| 13:9 | 以色列啊，你的敗無就是因為反對我，就是反對幫助你者。 |
| 13:10 | 現今你的王佇叨落？互伊佇你諸個城拯救你啊！你的士師就是你所曾講：給阮設立一個王及首領者。今𪜶佇叨落啊？ |
| 13:11 | 我佇受氣中給你設立王，也佇我的大受氣廢伊。 |
| 13:12 | 以法蓮的罪過記住啲；伊的罪惡收囥啲。 |
| 13:13 | 婦仁人生子的痛疼欲到佇伊；伊是無智慧的子，因為伊的時已經到，呣應該延延佇子宮口。 |
| 13:14 | 我欲贖回𪜶脫離陰府的權，我欲拯救𪜶脫離死無。死無啊，你的災害佇叨落？陰府啊，你的毀滅佇叨落？我決斷無退悔。 |
| 13:15 | 伊佇兄弟中雖然結實多多，總是欲有東風吹來，就是耶和華的風對曠野起。伊的水泉欲乾；伊的源頭欲絕；伊欲搶提所積聚一切通歡喜的寶器。 |
| 13:16 | 撒瑪利亞欲擔當伊的罪，因為悖逆伊的上帝。伊欲倒佇刀下；𪜶的嬰仔欲互人摔死；𪜶有娠的婦仁人欲互人破腹。 |
