台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

何西阿書第11章

章節快速選擇 :

上下篇聖經查閱：但以理書約珥書回到目錄

11:1	以色列做囝仔的時，我疼伊，閣召我的子出埃及地。
11:2	愈叫𪜶，𪜶愈走開，獻祭佇諸個巴力，燒香佇偶像。
11:3	我教以法蓮學行，牽伊的手，總是𪜶呣知我醫好𪜶，
11:4	我用慈惠的索及仁愛的帶牽𪜶；我款待𪜶親像對𪜶的頷頸解開𪜶的軛者，用糧草下佇𪜶面前。
11:5	伊無閣倒去埃及地，亞述欲做伊的王，因為伊呣肯倒轉。
11:6	刀劍欲到伊的城，毀壞𪜶的門楗，因為𪜶的計謀吞滅。
11:7	我的百姓決意欲背我；雖然有人叫𪜶歸向至高者，總是無一個尊重伊。
11:8	以法蓮啊，我豈可會棄拺你？以色列啊，我豈可會將你交互人？我豈可會互你親像押瑪？豈可會款待你做洗扁？我回心轉意，我慈愛的心真熱，
11:9	我無欲發出我猛烈的受氣，也無閣毀滅以法蓮。因為我是上帝，呣是世間人，是佇恁中間的聖者；我無欲佇受氣中臨到恁。
11:10	耶和華欲親像獅啲哮，𪜶欲隨伊來行。伊哮的時，許個子就愕愕惙對西方趕緊來。
11:11	𪜶欲愕愕惙親像雀鳥仔對埃及緊緊來，閣親像鴿仔對亞述地到。我欲互𪜶徛起家己的厝。這是耶和華講的。
11:12	以法蓮用欺騙圍我，以色列家也用詭計圍纍我；猶大靠上帝掌權，向聖者有盡忠的心。

- 本章節結束 -