台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

民數記第11章

章節快速選擇 :

上下篇聖經查閱：利未記申命記回到目錄

11:1	眾百姓耦耦唸，𪜶的歹話到耶和華的耳孔。耶和華聽見就大受氣，耶和華的火𤏸佇𪜶中間，燒佇營的邊角。
11:2	百姓對摩西哀求，摩西祈求耶和華，彼個火就熄。
11:3	彼所在就叫做他備拉，因為耶和華的火燒佇𪜶中間。
11:4	𪜶中間雜色人大興起貪慾的心；以色列人閣啼哭講：「是誰互阮肉通食啊？
11:5	阮記得，佇埃及的時食魚免錢，也記得有黃瓜、西瓜、韭菜、蔥仔、蒜仔。
11:6	今阮的精力枯焦無半項物，除嗎哪以外，佇阮的目睭前的無別項物。」（
11:7	此個嗎哪親像莞荽仁，款式親像真珠的款。
11:8	百姓四界行拾伊，有的用磨磨伊，有的用臼舂伊，佇鼎裡煏做餅，滋味親像調和油的食物。
11:9	暝時露水落佇營中，嗎哪也隨伊落。）
11:10	摩西聽見百姓的逐家逐人佇家己的布棚門口啲啼哭。耶和華大受氣，摩西也無歡喜。
11:11	摩西對耶和華講：「你啥事歹款待你的奴僕？我怎樣無佇你的面前得著恩典，你竟然用諸個百姓的擔下佇我的身上？
11:12	諸個百姓豈是我懷孕的，豈是我生的嗎？你竟然對我講：『抱𪜶佇胸前，親像養飼囝仔的老父抱食奶的嬰仔，到佇你咒誓賞賜𪜶的祖公的地。』
11:13	我欲對叨落得著肉互諸個百姓？因為𪜶攏對我啼哭講：『你著用肉互阮，互阮通食！』
11:14	諸個百姓的擔甚重，我家己擔當𣍐起。
11:15	你若按呢款待我，我若佇你的面前得著恩典，求你即時給我刣死，免互我看見本身的苦情。」
11:16	耶和華對摩西講：「你著聚集以色列的長老七十人來我遮，就是你所知做百姓的長老及官長的，導𪜶到會幕，互𪜶及你徛佇遐。
11:17	我欲降臨佇遐，及你講話，也欲將降落佇你頂面的神也降落佇𪜶，𪜶就及你相及擔當百姓的擔，免得你家己擔當。
11:18	也著給百姓講：『恁著互家己做聖，備辦明仔日通食肉，因為恁有啼哭互耶和華聽見講：是誰互阮食肉！因為阮佇埃及真好。所以耶和華欲互恁肉，互恁通食。
11:19	恁呣是食一日、二日、五日、十日、二十日，
11:20	欲食到一月日滿，到肉對恁的鼻孔出來，互恁厭惡，因為恁棄拺踮佇恁中間的耶和華，佇伊的面前啼哭講：阮啥事出埃及啊！』」
11:21	摩西講：「諸個及我踮的百姓、步行的大人有六十萬，也你講：『我欲互𪜶食肉，互𪜶通食到一月日滿。』
11:22	豈欲為𪜶刣羊群牛群，互𪜶食夠額？抑是為著𪜶聚集海內所有的魚，互𪜶食夠額嗎？」
11:23	耶和華對摩西講：「耶和華的手豈是短嗎？今你欲看我的話對你應驗抑無。」
11:24	摩西出去，將耶和華的話給百姓講，也招集百姓的長老七十人，互𪜶徛佇布棚的四圍。
11:25	耶和華佇雲中降臨，對摩西講話，將降落佇伊頂面的神也降落佇七十個長老。神臨到𪜶的時，𪜶就講先知的話，以後就無閣講。
11:26	總是有二人猶原佇營內，一個名叫伊利達，一個名叫米達。𪜶也記名在內，總是無到布棚遐。神臨到𪜶，𪜶就佇營內講先知的話。
11:27	有一個少年人走來給摩西講：「伊利達、米達佇營內講先知的話。」
11:28	跟隨摩西的，嫩的子約書亞，就是受揀的一人，講：「請我的主摩西禁止𪜶。」
11:29	摩西對伊講：「你替我妒忌嗎？願耶和華的百姓攏做先知！耶和華用伊的神降落佇𪜶的頂面！」
11:30	摩西及以色列的長老就倒去營內。
11:31	有風對耶和華出，將鵪鶉對海裡吹來，墜落佇營邊；此旁約略一日的路站，彼旁約略一日的路站，佇營的四圍遍遍是，離地約略有二肘。
11:32	百姓起來，通日通暝，及隔日的通日，掠鵪鶉；極少的也掠十賀梅珥，為本身排列佇營的四圍。
11:33	肉佇𪜶的嘴齒猶食未了，耶和華就對百姓發受氣，耶和華降大災禍來拍百姓。
11:34	彼個所在號名叫基博羅哈他瓦，因為佇遐埋葬貪慾的百姓。
11:35	百姓對基博羅哈他瓦行到哈洗錄，就踮佇哈洗錄。

- 本章節結束 -

聯繫資訊

線上台語聖經

台語聖經

民數記第11章

快速導航

相關資訊

聯絡麥穗田

聯繫資訊

線上台語聖經

台語聖經

民數記 第11章

民數記第11章