走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 31:1 | 耶和華吩咐摩西講： |
|---|---|
| 31:2 | 「你著攻擊米甸人替以色列人報仇，後來你欲倒祖。」 |
| 31:3 | 摩西吩咐百姓講：「著對恁中間備辦人帶家私出去攻擊米甸，通佇米甸人的身上為耶和華報仇。 |
| 31:4 | 著對以色列眾支派的中間，逐支派著差一千人去交戰。」 |
| 31:5 | 就對以色列諸個族中，逐支派出一千人，共一萬二千人，帶家私備辦交戰。 |
| 31:6 | 摩西就差每支派一千人去交戰，𪜶及祭司以利亞撒的子非尼哈去交戰；非尼哈手提聖所的器具及歕大聲的號頭。 |
| 31:7 | 𪜶照耶和華所命令摩西的，及米甸人交戰，一盡刣死𪜶的查甫丁。 |
| 31:8 | 佇所刣死的人的中間，也刣死米甸諸個王，就是以未、利金、蘇珥、戶珥、利巴，米甸五個王，閣用刀刣死比珥的子巴蘭。 |
| 31:9 | 以色列人掠米甸的婦仁人及𪜶的囝仔，也將𪜶一切的精牲、一切羊群，及一切的財物攏搶來，做搶物， |
| 31:10 | 閣用火燒𪜶所徛起的地，許個城及𪜶所有的營盤， |
| 31:11 | 將一切所搶的、所掠的，人及精牲攏帶來， |
| 31:12 | 將所掠的人，以及所搶所提的物，攏帶到摩押的平洋，佇約但河邊及耶利哥相對的營盤，交互摩西及祭司以利亞撒，及以色列的會眾。 |
| 31:13 | 摩西及祭司以利亞撒，及會眾攏總的首領，出去營外迎接𪜶。 |
| 31:14 | 摩西受氣許個對交戰倒來的軍長、千總、百總， |
| 31:15 | 摩西對𪜶講：「恁留諸個婦女猶活啲嗎？ |
| 31:16 | 看啊，𪜶趁巴蘭的計謀，互以色列人佇毗珥的事得罪耶和華，致到耶和華的會眾抵著瘟疫。 |
| 31:17 | 今著刣死細子中攏總的查甫囝仔，也刣死許個已經及查甫人同房的婦仁人。 |
| 31:18 | 總是許個未及查甫人同房的查某囝仔，恁通為家己留𪜶的活命。 |
| 31:19 | 恁著紮營佇營外七日久；見若刣人的，見若摸著受刣的，著佇第三日，第七日，清氣家己，也著清氣恁所掠來的人， |
| 31:20 | 論到所有的衣服、抑是皮做的、抑是山羊毛織的，抑是柴做的物，攏著清氣伊。」 |
| 31:21 | 祭司以利亞撒對交戰倒來的軍隊講：「耶和華所命令摩西律法的條例就是按呢： |
| 31:22 | 總是金、銀、銅、鐵、錫、鉛， |
| 31:23 | 見若會擋得火的物，恁著互伊經過火就成做清氣，總是著閣用除去污穢的水清氣伊；見若𣍐擋得火的物，恁著互伊經過水。 |
| 31:24 | 第七日，著洗恁的衫，恁就清氣，才通入營。」 |
| 31:25 | 耶和華吩咐摩西講： |
| 31:26 | 「你及祭司以利亞撒，及會眾諸個族長，著算所搶掠的，無論人及精牲的數額。 |
| 31:27 | 所搶來的著分做二份：一份互出去交戰的精兵，一份互全會的眾人。 |
| 31:28 | 著對出戰的兵丁抽物來進貢耶和華，見若人、牛、驢、羊群，每五百抽一。 |
| 31:29 | 對𪜶彼半的中間，著抽出伊來互祭司以利亞撒，做舉祭互耶和華。 |
| 31:30 | 對以色列人彼一半的中間，就是對人、牛、驢、羊群，攏總的精牲，每五十抽一，交互顧守耶和華會幕的責成的利未人。」 |
| 31:31 | 摩西就及祭司以利亞撒照耶和華所命令摩西的來行。 |
| 31:32 | 所搶的物，就是兵丁所搶用剩的：羊六十七萬五千隻； |
| 31:33 | 牛七萬二千隻； |
| 31:34 | 驢六萬一千隻； |
| 31:35 | 人三萬二千，就是呣曾及查甫人同房的查某囝仔。 |
| 31:36 | 出去交戰的人的份額，就是𪜶所得著的彼半，共有羊三十三萬七千五百隻， |
| 31:37 | 對𪜶中間抽來進貢耶和華的羊，六百七十五隻； |
| 31:38 | 牛三萬六千隻，對𪜶中間抽來進貢耶和華的，七十二隻； |
| 31:39 | 驢三萬連五百隻，對彼中間抽來進貢耶和華的，是六十一隻； |
| 31:40 | 人一萬六千，對彼中間抽來進貢耶和華的，是三十二個。 |
| 31:41 | 摩西將進貢的物，就是歸互耶和華的舉祭，交互祭司以利亞撒，是照耶和華所命令摩西的。 |
| 31:42 | 以色列人所得著彼一半，就是摩西對交戰的人分來互𪜶的。（ |
| 31:43 | 會眾彼一半有：羊三十三萬七千五百隻； |
| 31:44 | 牛三萬六千隻； |
| 31:45 | 驢三萬連五百隻； |
| 31:46 | 人一萬六千個。） |
| 31:47 | 對以色列人的一半無論是人是精牲，摩西每五十抽一，交互顧守耶和華會幕的責成的利未人，是照耶和華所命令摩西的。 |
| 31:48 | 管理軍隊諸個官，就是千總、百總，攏來就近摩西， |
| 31:49 | 對摩西講：「奴僕所管的兵已經點算總額，阮中間無減少一人。 |
| 31:50 | 今阮將逐人所得著的金器、鍊仔、手環、拍印仔的手指、耳鈎、掛頷頸的珠鍊仔，攏帶來做禮物獻互耶和華，通佇耶和華的面前為著阮本身贖罪。」 |
| 31:51 | 摩西及祭司以利亞撒就收𪜶的金，就是逐樣拍好的手飾。 |
| 31:52 | 千總、百總所獻互耶和華的金共有一萬六千七百五十舍客勒。 |
| 31:53 | 因為逐個兵丁攏有為著家己搶財物。 |
| 31:54 | 摩西及祭司以利亞撒收千總、百總的金，就帶入會幕，佇耶和華的面前做以色列人的紀念。 |
