走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 25:1 | 以色列人踮佇什亭，百姓就及摩押的查某囝仔行淫亂。 |
|---|---|
| 25:2 | 𪜶獻祭𪜶的上帝，請百姓來赴，百姓食𪜶的祭物，續跪拜𪜶的上帝。 |
| 25:3 | 以色列人及巴力毗珥聯合，耶和華就對以色列人發受氣。 |
| 25:4 | 耶和華對摩西講：「將百姓攏總的族長當頭白日吊死佇耶和華的面前，互耶和華的大受氣通對以色列消無。」 |
| 25:5 | 摩西就對以色列的審判官講：「見若屬恁的人，有及巴力毗珥聯合的，恁著刣死伊。」 |
| 25:6 | 摩西及以色列會眾抵仔佇會幕門口啲哭的時，忽然有以色列中一人，當𪜶目睭前，帶一個米甸的婦仁人到伊的兄弟遐。 |
| 25:7 | 祭司亞倫的孫，以利亞撒的子非尼哈看見，就對會中起來，手裡抬槍， |
| 25:8 | 隨以色列人入亭仔內，鑿死二人，就是鑿透以色列人及彼個婦仁人的腹肚。按呢，佇以色列人的中間瘟疫就息。 |
| 25:9 | 彼時抵著瘟疫死的，二萬四千人。 |
| 25:10 | 耶和華吩咐摩西講： |
| 25:11 | 「祭司亞倫的孫，以利亞撒的子非尼哈，互我所發的受氣消無佇以色列人；因為伊佇𪜶中間，用我的妒忌做妒忌，互我佇妒忌中無滅無𪜶。 |
| 25:12 | 所以，你著講：『看啊，我用我平安的約賞賜伊。 |
| 25:13 | 欲做伊及伊的後裔，永遠做祭司的職的約；因為伊為著伊的上帝有妒忌的心，閣為著以色列人贖罪。』」 |
| 25:14 | 彼個受刣的以色列人，就是及米甸的婦仁人相及受鑿死的，名叫心利，是撒路的子，是西緬支派中一族的首領。 |
| 25:15 | 彼個受鑿死米甸的婦仁人，名叫哥斯比，是蘇珥的查某子；此個蘇珥是米甸的百姓一族的頭人。 |
| 25:16 | 耶和華吩咐摩西講： |
| 25:17 | 「你著窘迫米甸人，閣拍𪜶； |
| 25:18 | 因為𪜶用詭譎的計謀窘迫恁，佇毗珥的事及𪜶的姊妹、米甸首領的查某子哥斯比的事，用詭譎的計謀引誘恁；此個哥斯比，當瘟疫流行的日，因為毗珥的事已經受鑿死。」 |
