經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
18:1 | 耶和華對亞倫講:「你及你諸個子,及你的本族,著相及擔當聖所的罪。你及你諸個子也著擔當恁祭司職的罪。 |
---|---|
18:2 | 你著導你的兄弟利未的支派,你的祖公的支派進前來,互𪜶及你聯合,來伺候你,若是你及你的子,攏著佇法櫃的會幕前。 |
18:3 | 𪜶著做你的差用,也著做布棚的差用,獨獨呣通近聖所的器具及壇,免得𪜶及恁攏死。 |
18:4 | 𪜶著及你聯合,也著做會幕的差用,料理布棚攏總的工,獨獨外面人呣通倚近恁。 |
18:5 | 恁著做聖所的差用及壇的差用,免得受氣閣到佇以色列人。 |
18:6 | 我,看啊,我曾對以色列人的中間揀恁的兄弟利未人來賞賜恁,及歸耶和華,來料理會幕的工。 |
18:7 | 所以你及你的子著相及守祭司的職料理壇及帳簾內一切的工。恁著按呢服務;我已經賞賜你祭司的職任的工親像送物。見若外面人近倚的,的確互伊死。」 |
18:8 | 耶和華閣給亞倫講:「我,看啊,我已經用獻互我的舉祭,就是以色列人分別做聖的物,交你守伊;因為你受抹油,諸個物歸你及你的子孫,做永遠的份額。 |
18:9 | 無經過火,至聖的物的中間,屬佇你的是諸個;見若𪜶的禮物,𪜶的素祭、𪜶的贖罪祭、𪜶的補過失祭,𪜶所獻互我的,攏做至聖,歸互你及你的子孫。 |
18:10 | 你著看諸個做至聖來食伊;見若查甫丁攏通食。你著掠此個物做聖。 |
18:11 | 諸個也是你的禮物的舉祭以及以色列人所獻的搖祭;我攏賞賜你及你的子查某子,做永遠的份額;見若佇你家中清氣的人攏通食。 |
18:12 | 上好的油、上好的酒、上好的五穀,就是𪜶起頭熟獻互耶和華的,我攏賞賜你。 |
18:13 | 𪜶的地起頭熟的物所獻互耶和華的攏歸互你。你家內清氣的人攏通食。 |
18:14 | 以色列中見若受分別獻盡的攏著歸互你。 |
18:15 | 見若有肉體頭上生的,無論人抑是精牲,𪜶所獻互耶和華的,攏歸佇你;獨獨人頭上生的,你著贖伊;無清氣的精牲頭上生的,你也著贖伊。 |
18:16 | 佇滿月以外所著贖的,著照你所估的價,照聖所的舍客勒,用銀五舍客勒贖回伊(一舍客勒是二十季拉)。 |
18:17 | 獨獨頭上生的牛,頭上生的綿羊頭上生的山羊,你呣通贖,這是聖,著灑伊的血佇壇裡,著燒伊的油,做火祭做芳芳獻互耶和華。 |
18:18 | 許個肉歸佇你,親像所搖的胸及正腿歸佇你一樣。 |
18:19 | 見若聖物的舉祭是以色列人獻互耶和華的,我攏賞賜你及你的子查某子,做永遠得著的份額。這是互你及你的後裔,佇耶和華的面前做永遠𣍐廢的約。」 |
18:20 | 耶和華對亞倫講:「你佇𪜶的地方呣通有產業,佇𪜶的中間也呣通有份額。佇以色列人中我就是你的份額,是你的產業。」 |
18:21 | 「看啊,佇以色列中所抽的十份一,我已經賞賜利未的子孫做業;因為𪜶所做的工是會幕的工,所以賞賜𪜶來報答𪜶的著磨。 |
18:22 | 對今以後,以色列人呣通倚近會幕,免得𪜶擔當罪來死。 |
18:23 | 獨獨利未人著做會幕的工,擔當𪜶的罪;這欲做恁逐世代永遠的例。𪜶佇以色列人的中間呣通有產業; |
18:24 | 因為以色列人所抽的十份一,所獻互耶和華做舉祭的,我已經賞賜利未人做業。所以我對𪜶講:『𪜶佇以色列人的中間呣通有產業。』」 |
18:25 | 耶和華吩咐摩西講: |
18:26 | 「你著吩咐利未人給𪜶講:恁對以色列人的中間抽十份一,就是我互恁做業的,彼時恁著對彼個十份一的中間閣抽十份一做舉祭獻互耶和華, |
18:27 | 你的舉祭欲給恁算做五穀場的麥,及滿佇葡萄窟的酒。 |
18:28 | 按呢,恁對以色列中所得著的十份一,著對彼個獻舉祭互耶和華,恁著對彼個,用耶和華的舉祭互祭司亞倫。 |
18:29 | 恁所得著一切的禮物,著對彼中間將第一好的,就是分別做聖的份額,獻許個舉祭互耶和華。 |
18:30 | 所以你著對𪜶講:恁已經對彼中間舉起彼個至好的,這就是給利未人算做五穀場的五穀,也親像酒窟的酒。 |
18:31 | 恁及恁的家眷逐所在通食伊;這是恁的工錢,是報答恁佇會幕內所做的工。 |
18:32 | 恁已經對彼中間舉起彼個至好的,就無因為按呢來犯罪。恁呣通拍垃墋以色列人的聖物,免得恁死無。 |