走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  民數記  第16章

章節快速選擇 :   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
上下篇聖經查閱： 利未記    申命記     回到目錄
16:1 利未的曾孫、哥轄的孫、以斯哈的子可拉，及流便的子孫中以利押的子大坍、亞比蘭，及比勒的子安結一黨，
16:2 及以色列中的人就是會中的首領二百五十人是有名望受揀召赴會的人，相及起來佇摩西的面前，
16:3 𪜶聚集攻擊摩西、亞倫，講：「恁僭權！全會逐人攏是聖，耶和華也佇𪜶中間，恁啥事自高，𨃟過耶和華的會眾啊？」
16:4 摩西聽見此個話就仆佇地裡，
16:5 對可拉及伊的全黨的人講：「到明仔早起，耶和華欲指示甚麼人是屬伊的，甚麼人是聖，就欲互彼人親近伊；伊所揀選的人，欲互𪜶親近伊。
16:6 恁著按呢行，可拉及伊的黨著提香爐。
16:7 明仔日，佇耶和華的面前，用火貯佇彼內面，下香佇彼頂面。耶和華所揀的人，伊欲做聖。恁利未的子孫僭權啦！」
16:8 摩西閣對可拉講：「利未的子孫啊！恁著聽！
16:9 以色列的上帝對以色列的會中分別恁，互恁親近伊，辦耶和華會幕的事，也徛佇會眾的面前來做𪜶的差用。
16:10 伊閣互你及你攏總的兄弟──利未的子孫──相及親近伊，恁掠這做小可嗎？恁猶久要求祭司的職嗎？
16:11 所以你及你的黨聚集是啲攻擊耶和華。亞倫是甚麼，恁竟然哀怨伊啊？」
16:12 摩西差人去叫以利押的子大坍、亞比蘭。𪜶講：「阮呣上去！
16:13 你導阮對常常流奶及蜜的地上來，欲佇曠野刣死阮，這豈是小可？你猶久欲家己設立做人君來管轄阮嗎？
16:14 閣你無影導阮到流奶及蜜的地，也無用田園及葡萄園互阮做業。總無你欲挖諸個人的目睭嗎？阮無欲上去！」
16:15 摩西受氣到極，對耶和華講：「求你莫得監納𪜶所獻的。我並無牽𪜶一隻驢，也無害𪜶一人。」
16:16 摩西對可拉講：「你及你的黨許個人，及亞倫，明仔日，攏著來徛佇耶和華的面前；
16:17 恁逐人帶伊的香爐，共二百五十個，下香佇彼頂面，逐人帶伊的香爐到耶和華的面前。你及亞倫也各帶家己的香爐。」
16:18 對按呢𪜶逐人提伊的香爐，貯火佇彼內面，下香佇彼頂面，及摩西、亞倫徛佇會幕門口。
16:19 可拉招集會眾到會幕門口，攻擊𪜶；耶和華的榮光顯現佇會眾。
16:20 耶和華吩咐摩西、亞倫講：
16:21 「恁著離開此個會中，我通佇一目𥍉久的中間剿滅𪜶。」
16:22 𪜶就仆佇地裡，講：「上帝啊，賞賜活命互見若有肉體者的上帝啊，一人犯罪，你就欲受氣全會嗎？」
16:23 耶和華吩咐摩西講：
16:24 「你著吩咐會眾對𪜶講：『恁著離開可拉、大坍、亞比蘭布棚的四圍。』」
16:25 摩西起來，去大坍、亞比蘭遐；以色列的長老也隨伊去。
16:26 伊吩咐會眾講：「恁著離開諸個歹人的布棚，𪜶的物件，攏呣通摸，驚了恁也受滅佇𪜶的罪中。」
16:27 𪜶就離開可拉、大坍、亞比蘭布棚的四圍。大坍、亞比蘭及𪜶的某、𪜶的子、𪜶的細子，攏出來，徛佇𪜶家己的布棚門口。
16:28 摩西講：「耶和華差我行這一切的事，恁對按呢通知，因為我呣是自專來行。
16:29 設使諸個人死親像平常人死，𪜶所抵著親像平常人所抵著，就耶和華無差我。
16:30 設使耶和華做一項新的事，互地開嘴，將𪜶及一切屬𪜶的攏吞落去，互𪜶活活墜落陰間，恁就知諸個人是藐視耶和華。」
16:31 諸個話伊抵仔講息，𪜶下面的地就裂開，地就開嘴，
16:32 將𪜶及𪜶的家眷，以及一切屬可拉的人丁、財物，攏吞落去。
16:33 許個人及一切屬𪜶的，攏活活落陰間；地就閣合倚佇𪜶的頂面，𪜶就對會中滅無。
16:34 佇𪜶四圍的以色列人聽見𪜶喉叫，就攏逃走，講：「驚了地也給咱吞落去。」
16:35 閣有火對耶和華遐出，吞滅許個獻香的二百五十人。
16:36 耶和華吩咐摩西講：
16:37 「你著吩咐祭司亞倫的子以利亞撒對火中拾許個香爐起來，拍散佇遐的火，因為許個香爐已經是聖。
16:38 用許個犯罪、害家己的生命的人的香爐，搥做歸片，來安祭壇。因為𪜶獻佇耶和華的面前，所以是聖的，通互以色列人做鑑戒。」
16:39 祭司以利亞撒就提許個人所獻的銅爐，搥做歸片，來安祭壇，
16:40 互以色列人做鑑戒，互外面人呣是屬亞倫的後裔的𣍐通倚近耶和華來燒香，免得𪜶親像可拉及伊的黨。這是照耶和華託摩西所命令的。
16:41 隔日，以色列人全會攏哀怨摩西、亞倫講：「恁害死耶和華的百姓。」
16:42 會眾聚集攻擊摩西、亞倫的時，向會幕看，看啊，有雲蓋伊，耶和華的榮光顯現。
16:43 摩西、亞倫就到會幕前。
16:44 耶和華吩咐摩西講：
16:45 「恁著離開此個會中，互我通佇一目𥍉久的中間滅無𪜶。」𪜶二人就仆佇地裡。
16:46 摩西對亞倫講：「提彼個香爐，用壇頂的火貯佇彼中間，下香佇彼頂面，緊緊帶到會眾遐，給𪜶贖罪；因為有大受氣對耶和華出，瘟疫已經發作。」
16:47 亞倫照摩西所講的提來，走到會中，看啊，瘟疫已經發佇百姓中。伊就下香，給百姓贖罪。
16:48 伊徛佇活人死人的中間，瘟疫就息。
16:49 除去因為可拉的代誌死的以外，抵著瘟疫死的，共有一萬四千七百人。
16:50 亞倫倒來到摩西遐，到會幕門，瘟疫才息。

- 本章節結束 -

上一章    下一章