走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 20:1 | 正月間，以色列人全會來到尋的曠野，百姓就踮佇加低斯。米利暗死佇遐，就埋葬佇遐。 |
|---|---|
| 20:2 | 會眾無水通飲，𪜶就聚集攻擊摩西、亞倫。 |
| 20:3 | 百姓就及摩西計較講：「前阮的兄弟死佇耶和華的面前，阮呣值著彼時續死。 |
| 20:4 | 恁啥事導耶和華的會眾到此個曠野、互阮及阮的精牲死佇遮啊？ |
| 20:5 | 恁啥事互阮出埃及、導阮到此個歹所在啊？無所在通撒種，也無無花果、無葡萄、無石榴，閣無水通飲。」 |
| 20:6 | 摩西、亞倫離開會眾，到會幕門口，仆佇地裡；耶和華的榮光對𪜶顯現。 |
| 20:7 | 耶和華吩咐摩西講： |
| 20:8 | 「你著抬枴仔，你及你的兄亞倫招集會眾，佇𪜶的目睭前恁命令石磐出水，你為著百姓互水對石磐出，互會眾及𪜶的精牲飲。」 |
| 20:9 | 摩西趁命令，佇耶和華的面前抬枴仔。 |
| 20:10 | 摩西、亞倫招集會眾到石磐前。摩西對𪜶講：「恁諸個悖逆的人著聽啊：阮著互水對此個石磐流出來互恁嗎？」 |
| 20:11 | 摩西抬起手，用枴仔拍石磐二下，就有多多水流出，會眾及𪜶的精牲攏飲。 |
| 20:12 | 耶和華就對摩西、亞倫講：「因為恁呣信我，無佇以色列人的目睭前尊敬我做聖，所以恁𣍐得通導諸個會眾入我所賜互𣍐的地。」 |
| 20:13 | 諸個水名叫米利巴的水，是因為以色列人及耶和華計較，耶和華就對𪜶顯明家己做聖。 |
| 20:14 | 摩西對加低斯差使者去見以東王，講：「你的兄弟以色列按呢講：『你知阮所抵著一切的艱苦， |
| 20:15 | 阮的列祖落去埃及，阮住佇埃及久久；埃及人歹款待阮及阮的列祖， |
| 20:16 | 阮哀求耶和華的時，伊聽阮的聲，差遣使者導阮出埃及。今阮佇你極邊頭的城加低斯。 |
| 20:17 | 求你容允阮經過你的地。阮無欲對田園及葡萄園經過，也無飲諸個井的水，獨獨行大路，無偏左偏右，直直經過你的地界。』」 |
| 20:18 | 以東王講：「你呣通對我遮經過，免得我抬刀出來抵敵你。」 |
| 20:19 | 以色列人給伊講：「阮欲對大路行去；設使阮及精牲飲你的水，阮欲還你價錢。准我步行過去，無插別項。」 |
| 20:20 | 伊講：「你呣通經過！」以東王就導多多人出來，用剛硬的手抵敵伊。 |
| 20:21 | 按呢，以東呣准以色列人對伊的地界經過。以色列就越轉，離開伊。 |
| 20:22 | 𪜶對加低斯起身，以色列的全會到何珥山。 |
| 20:23 | 耶和華佇倚近以東邊界的何珥山吩咐摩西、亞倫講： |
| 20:24 | 「亞倫欲倒祖。因為伊𣍐得通入我賞賜以色列人的地；因為佇米利巴的水，恁違逆我的命令。 |
| 20:25 | 你帶亞倫及伊的子以利亞撒上何珥山， |
| 20:26 | 褪亞倫的衫，給伊的子以利亞撒穿；亞倫欲死佇遐，倒去。」 |
| 20:27 | 摩西照耶和華所命令的行。𪜶三人當會眾的目睭前上何珥山。 |
| 20:28 | 摩西褪亞倫的衫，給伊的子以利亞撒穿，亞倫佇遐死佇山頂。摩西及以利亞撒落山。 |
| 20:29 | 會眾看見亞倫已經死，就為亞倫啼哭三十日，以色列全家也攏按呢。 |
