走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 21:1 | 約沙法及伊的列祖同睏，及伊的列祖葬佇大衛的城。伊的子耶和蘭續接伊做王。 |
|---|---|
| 21:2 | 耶和蘭有幾若個小弟，就是約沙法的子亞撒利雅、耶歇、撒迦利雅、亞撒利雅、米迦勒、示法提雅。諸個攏是以色列王約沙法的子。 |
| 21:3 | 𪜶老父用多多物業互𪜶，就是金、銀、寶貝，及猶大地堅固的城互𪜶；總是用國位互耶和蘭，因為伊是大子。 |
| 21:4 | 耶和蘭起來坐伊的老父的位，家己強盛，就用刀刣死伊的眾小弟及以色列幾若個首領。 |
| 21:5 | 耶和蘭坐位的時三十二歲，佇耶路撒冷做王共八年。 |
| 21:6 | 伊行以色列諸個王的路，及亞哈的家無各樣；因為伊娶亞哈的查某子做某，行耶和華所看做歹的事。 |
| 21:7 | 總是耶和華因為家己及大衛所立的約，呣甘滅大衛的家，照伊所應允的，永遠賞賜一葩燈互伊及伊的子孫。 |
| 21:8 | 當耶和蘭年間，以東背叛猶大，脫離伊的手頭，家己設立王。 |
| 21:9 | 耶和蘭就導伊許個軍長及攏總的戰車過去，透暝起來，拍圍困伊的以東人及許個車長。 |
| 21:10 | 按呢，以東人背叛猶大，脫離伊的手頭，到今仔日。像彼時，立拿人也背叛，脫離伊的手頭，因為耶和蘭棄拺耶和華──伊的列祖的上帝。 |
| 21:11 | 伊閣佇猶大的山起山頭壇，互耶路撒冷徛起的百姓行邪淫，閣誘惑猶大人。 |
| 21:12 | 先知以利亞寫批寄互耶和蘭講：「耶和華──你的祖大衛的上帝按呢講：『因為你無行你的父約沙法的路及猶大王亞撒的路， |
| 21:13 | 就是行以色列諸個王的路，閣互猶大及耶路撒冷徛起的百姓行邪淫，親像亞哈的家行邪淫一樣，閣刣你的老父的家比你卡好許個小弟。 |
| 21:14 | 所以，耶和華欲降大災禍拍你的百姓及你的子兒、你的某，以及你一切所有的。 |
| 21:15 | 你的腸肚欲患著重病，逐日愈重，致到你的腸仔脫出去。』」 |
| 21:16 | 耶和華激動非利士人及倚近古實的阿拉伯人的心來攻擊耶和蘭。 |
| 21:17 | 𪜶上來攻擊猶大，侵入境內，搶掠王宮內所抵著的財物及伊許個子、許個某，除伊的煞尾子約哈斯以外，無給伊留一個子。 |
| 21:18 | 諸個代誌以後，耶和華拍伊，互伊的腸患著𣍐醫得的病。 |
| 21:19 | 按呢久久，二年後，伊的腸為著病脫出來，因為此個病重就死。伊的百姓無給伊行燒的禮數，親像前給伊的列祖所燒的一樣。 |
| 21:20 | 耶和蘭坐位的時三十二歲，佇耶路撒冷做王共八年。伊離開世間無人憶著伊，人埋葬伊佇大衛的城，獨獨無佇列王的墓。 |
