走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 30:1 | 希西家差人到以色列及猶大遍地，閣寫批互以法蓮及瑪拿西，愛𪜶到耶路撒冷耶和華的殿，守𨃟過節服事耶和華──以色列的上帝； |
|---|---|
| 30:2 | 因為王及伊的首領，及佇耶路撒冷的會眾，已經相及議論欲佇二月守𨃟過節。 |
| 30:3 | 彼時𪜶𣍐會守；因為家己清氣的祭司猶無夠額，百姓也無有聚集佇耶路撒冷； |
| 30:4 | 王及會眾攏看此個代誌做好。 |
| 30:5 | 就定著命令，宣佈佇以色列全地，對別是巴到但，互𪜶攏來，佇耶路撒冷守𨃟過節服事耶和華──以色列的上帝；因為百姓平素無多多人照所寫的規例來守伊。 |
| 30:6 | 走文書的帶王及伊許個首領的批，遍行以色列及猶大地。照王的命令講：「以色列人啊，恁著閣歸向亞伯拉罕、以撒、以色列的上帝──耶和華，伊就欲歸向恁就是脫離亞述許個王的手所剩的百姓。 |
| 30:7 | 恁呣通親像恁的列祖及恁的兄弟；𪜶干犯耶和華──𪜶列祖的上帝，致到伊互𪜶抵著滅無，親像恁所看見的。 |
| 30:8 | 今呣通親像恁的列祖來硬頷頸，著獻家己互耶和華，入伊的聖所，就是伊永遠分別做聖者；閣著服事耶和華──恁的上帝，通互伊的大受氣越轉離開恁。 |
| 30:9 | 因為恁若歸向耶和華，就恁的兄弟及恁的子兒欲佇掠𪜶的人的面前得著憐憫，通閣倒來此所在，因為耶和華──恁的上帝是慈悲、憐憫。恁若歸向伊，伊的確無越伊的面呣看恁。」 |
| 30:10 | 走文書的一城過一城，遍行以法蓮、瑪拿西，到西布倫。若是許個人恥笑𪜶，譏刺𪜶。 |
| 30:11 | 總是亞設、瑪拿西、西布倫的中間也有人家己謙卑，來到耶路撒冷。 |
| 30:12 | 上帝也感動猶大人，互𪜶一心趁王及許個首領照耶和華的話所出的命令。 |
| 30:13 | 二月，有多多人聚集佇耶路撒冷，成做真大的會，欲守除酵節。 |
| 30:14 | 𪜶起來，一盡除去耶路撒冷所有的壇及燒香的壇，㧒佇汲淪溪。 |
| 30:15 | 二月十四日刣𨃟過節的羊仔。祭司及利未人家己見誚，清氣家己，帶燒祭到耶和華的殿， |
| 30:16 | 照上帝的奴僕摩西的律法，照例逐人徛伊的位；祭司將𪜶對利未人的手接血，來灑伊。 |
| 30:17 | 會中有多多人無清氣家己，所以託利未人替一切無清氣的人刣𨃟過節的羊仔，互𪜶佇耶和華的面前成做清氣。 |
| 30:18 | 因為以法蓮、瑪拿西、以薩迦、西布倫有多多人無清氣家己，總是𪜶也食𨃟過節，無合所記載的例。 |
| 30:19 | 因為希西家替𪜶祈禱講：「見若有決斷的心尋上帝，就是耶和華──𪜶列祖的上帝，雖然無照聖所清氣的禮家己清氣，求至好的耶和華也赦免𪜶。」 |
| 30:20 | 耶和華聽希西家祈禱，就醫好百姓。 |
| 30:21 | 住佇耶路撒冷的以色列人大大歡喜，守除酵節七日久。利未人及祭司日日謳咾耶和華，用響亮的樂器謳咾耶和華。 |
| 30:22 | 希西家安慰一切𠢕服事耶和華的利未人。對按呢眾人食節筵七日，獻謝恩節，閣認罪佇耶和華──𪜶列祖的上帝的面前。 |
| 30:23 | 全會議論，欲閣守節七日；對按呢歡喜閣守七日。 |
| 30:24 | 因為猶大王希西家送會眾牛牨一千隻，羊七千隻做祭物；眾首領也送會眾牛牨一千隻，羊一萬隻，閣多多祭司家己清氣。 |
| 30:25 | 猶大會眾及祭司、利未人，及許個對以色列來的會眾以及許個對以色列地來的出外人，及徛起佇猶大的出外人，攏歡喜快樂。 |
| 30:26 | 對按呢，佇耶路撒冷大歡喜，因為對以色列王大衛的子所羅門的時，佇耶路撒冷未曾有按呢。 |
| 30:27 | 彼時，祭司、利未人起來，給百姓祝福。𪜶的聲得著聽見，𪜶的祈禱透到伊徛起的聖所，到佇天裡。 |
