走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 31:1 | 諸個代誌攏明白，佇遐的以色列眾人出去到猶大許個城，拍碎柱像，剉斷許個亞舍拉，閣佇猶大、便雅憫、以法蓮、瑪拿西遍地拆毀山頭壇及祭壇到一盡滅伊。對按呢，以色列眾人逐個倒去𪜶的業，到𪜶的本城。 |
|---|---|
| 31:2 | 希西家設立祭司利未人的班列，照𪜶的班列各照𪜶的職份，祭司及利未人獻燒祭、謝恩祭，閣佇耶和華許個營的門內服事，感謝謳咾。 |
| 31:3 | 閣對伊的產業中定著王的份額做燒祭，就是早暗的燒祭及許個安息日、月的初一，及節期的燒祭，攏是照耶和華律法所記載的； |
| 31:4 | 閣吩咐踮佇耶路撒冷的百姓供給祭司及利未人應該得著的份額，互𪜶專務耶和華的律法。 |
| 31:5 | 命令一下出，以色列人就帶多多起頭熟的五縠、酒、油、蜜，及田裡所出的，閣用逐項物的十份一帶真多來。 |
| 31:6 | 踮猶大諸個城的以色列人及猶大人也牽牛羊的十份一來，閣帶分別做聖歸互耶和華──𪜶的上帝的物十份一，疊一堆一堆； |
| 31:7 | 對三月起積聚許個堆，到七月才明白。 |
| 31:8 | 希西家及許個首領來，看許個堆，就謳咾耶和華，祝福伊的百姓以色列。 |
| 31:9 | 希西家對祭司及利未人查問許個堆。 |
| 31:10 | 屬撒督的家祭司頭亞撒利雅應講：「對百姓帶供給的物到耶和華的殿以來，阮食夠額，閣剩真多；因為耶和華賜福伊的百姓，所剩的到即多。」 |
| 31:11 | 希西家吩咐佇耶和華的殿內備辦粟倉，𪜶就備辦伊。 |
| 31:12 | 𪜶誠實心將禮物及所抽的十份一，及分別做聖的物，攏搬入來。利未人歌楠雅辦理此個事，伊的小弟示每做幫辦。 |
| 31:13 | 耶歇、亞撒細雅、拿哈、亞撒黑、耶利末、約撒拔、以列、伊斯瑪基雅、瑪哈、比拿雅攏是委員，佇歌楠雅及伊的小弟示每的手下，是希西家王及管理上帝的殿的亞撒利雅所派的。 |
| 31:14 | 顧東門的利未人音拿的子可利，掌管甘心獻互上帝的物，分發獻互耶和華的禮物及許個至聖的物。 |
| 31:15 | 做伊的二手的有伊甸，珉雅珉、耶書亞、示瑪雅、亞瑪利雅、示迦尼雅，佇祭司諸個城照班列用實心，分發互𪜶的兄弟，無論大細攏互𪜶。 |
| 31:16 | 這就是佇許個記入族譜，三歲以上的查甫丁以外，就是見若入耶和華的殿者，照逐日的分所應該的，為著𪜶照班列盡伊的職來服事； |
| 31:17 | 閣祭司照伊的世系記佇族譜，以及利未人對二十歲以上，照𪜶的班列盡𪜶的職， |
| 31:18 | 閣記載佇族譜中的，𪜶的細漢者、𪜶的某、𪜶的子，𪜶的查某子佇全會中的；因為𪜶盡職分，家己清氣成聖。 |
| 31:19 | 也為著亞倫的子孫，就是踮佇𪜶的城外的、田地的祭司佇逐個城有記名的人，來分發𪜶應該得著的份額，互祭司的查甫丁以及見若記佇族譜的利未人。 |
| 31:20 | 希西家佇猶大遍地按呢辦理，行善良正直，盡忠佇耶和華──伊的上帝的面前。 |
| 31:21 | 見若伊起手所做的，佇辦理上帝殿的事，佇律法佇誡命，來尋伊的上帝，攏專心做伊，來亨通。 |
