走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 伊閣創一座銅壇，長二十肘，闊二十肘，高十肘； |
|---|---|
| 4:2 | 閣鑄一個銅海，款式是圓的，高五肘，對此旁到彼旁十肘，圓環三十肘； |
| 4:3 | 伊的下面有匏仔的款圍伊，每肘十粒，來圍彼個銅海，匏仔有二鑆，鑄銅海的時續鑄伊； |
| 4:4 | 銅海靠佇十二隻銅牛的頂面：三隻向北，三隻向西，三隻向南，三隻向東；銅海下佇牛的頂面，牛尾向內面； |
| 4:5 | 銅海厚一巴掌的闊，伊的墘親像杯的墘，親像百合花，通貯三千罷特； |
| 4:6 | 閣創十個盆：下五個佇正旁，五個佇倒旁，通洗佇遐，獻燒祭所用的物洗佇彼內面；獨獨銅海是互祭司通洗。 |
| 4:7 | 閣照𪜶的體式造十個金的燈台，下佇殿內：五個佇正旁，五個佇倒旁； |
| 4:8 | 閣創十塊桌，下佇殿內：五塊佇正旁，五塊佇倒旁；閣創一百塊金碗； |
| 4:9 | 閣起造祭司的院及大院，以及院門，用銅安許個門； |
| 4:10 | 用銅海下佇殿的正旁，東勢向南。 |
| 4:11 | 戶蘭閣創盤、托仔、碗。按呢，戶蘭為所羅門王佇上帝的殿所做的工攏完。 |
| 4:12 | 就是：二支柱及許個盤，及柱頂二個柱枓，及蓋柱頂二個柱枓的盤的網， |
| 4:13 | 閣有石榴四百粒，安佇二個網（每個網有石榴二鑆，蓋佇柱頂二個柱枓的盤）。 |
| 4:14 | 閣創許個座及座頂的盆， |
| 4:15 | 銅海一個及伊的下面的牛十二隻， |
| 4:16 | 伊的老父戶蘭用光亮的銅，為所羅門王為耶和華的殿做盤、托仔、肉叉，及逐樣的器具， |
| 4:17 | 王佇約但平洋疏割及撒利但的中間，佇粘土的地鑄成的。 |
| 4:18 | 按呢所羅門做許個一切的器具真多，銅的輕重𣍐得著知。 |
| 4:19 | 所羅門也創上帝殿內一切的器具及金的壇及排列餅許個桌， |
| 4:20 | 及好金的燈台及伊的燈，通照例點佇後殿的頭前。 |
| 4:21 | 伊的花伊的燈及鉗，攏是金的，閣是足成的金； |
| 4:22 | 閣用好金做剪刀、盤、匙、火鼎。論到厝的門路，伊的內面至聖所的門及厝的門，就是殿的門，攏是金的。 |
