走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 35:1 | 約西亞佇耶路撒冷守𨃟過服事耶和華。正月十四日，百姓刣𨃟過節的羊仔。 |
|---|---|
| 35:2 | 王派諸個祭司當𪜶的職，閣勉勵𪜶做耶和華殿的工； |
| 35:3 | 閣對許個歸佇耶和華做聖，教示以色列人的利未人講：「恁著將聖的約櫃下佇以色列王大衛的子所羅門所起的殿內，呣免恁用肩頭扛。今恁著服事耶和華──恁的上帝，及伊的百姓以色列。 |
| 35:4 | 恁著家己備辦照恁的宗族，恁的班列，趁以色列王大衛所記的，及伊的子所羅門所記的。 |
| 35:5 | 徛佇聖的所在照恁的兄弟，就是此個百姓宗族的房頭，著有利未人宗族的一組來服事伊。 |
| 35:6 | 著刣𨃟過節的羊羔，家己清氣，為著恁的兄弟備辦好勢，通照耶和華託摩西所講的來行。 |
| 35:7 | 約西亞對歸群的中間，綿羊仔及山羊仔共三萬隻，及牛牨三千隻，互攏總相及佇啲的百姓做𨃟過節的物；諸個是對王的產業取的。 |
| 35:8 | 伊許個首領也歡喜出互百姓及祭司及利未人；許個管理上帝的殿的希勒家、撒迦利亞、耶歇用羊仔二千六百隻，牛三百隻，互祭司做𨃟過節的祭。 |
| 35:9 | 利未人許個頭目歌楠雅及伊的兄弟示瑪雅、拿坦業，及哈沙比雅、耶利、約撒拔用羊仔五千隻，牛五百隻，互利未人做𨃟過節的祭物。 |
| 35:10 | 按呢，服事的代誌攏備辦便。祭司徛佇伊的位，利未人徛佇𪜶的班列，照王所命令的。 |
| 35:11 | 𪜶刣𨃟過節的羊仔，祭司對𪜶的手接血來灑；利未人剝許個皮， |
| 35:12 | 也將燒祭移徙伊，通照百姓宗族的房頭分互𪜶，通獻互耶和華，照摩西的冊所記的；處置許個牛也是按呢。 |
| 35:13 | 𪜶照定著的例，用火煏𨃟過節的羊仔。許個祭物用鼎，用鍋、用鉢，煮伊；緊緊帶去互眾百姓。 |
| 35:14 | 然後為家己及祭司備辦；因為祭司亞倫的子孫專務獻燒祭及油，到下昏。所以利未人為家己也為祭司亞倫的子孫，備辦伊。 |
| 35:15 | 唱歌者亞撒的子孫，徛佇𪜶的位，照大衛、亞薩、希幔，及王的先見者耶杜頓所命令，顧門的人顧守逐個門，𪜶呣免離開𪜶的工，因為𪜶的兄弟利未人替𪜶備辦。 |
| 35:16 | 當彼日，服事耶和華的代誌攏備辦，也守𨃟過節，也獻燒祭佇耶和華的壇，照約西亞王所命令。 |
| 35:17 | 彼時相及佇遐的以色列人守𨃟過節，也守除酵節歷過七日。 |
| 35:18 | 對先知撒母耳的日以後，佇以色列中無有親像此霎所守的𨃟過節；閣以色列列王也攏無守𨃟過節，親像約西亞、及祭司、及利未人，以及相及佇啲的猶大，及以色列人，及耶路撒冷徛起的百姓所守的。 |
| 35:19 | 佇約西亞做王十八年就守此個𨃟過節。 |
| 35:20 | 諸個代誌以後，約西亞已經修整殿明白，有埃及王尼哥上來，欲拍伯拉河邊的迦基米施；約西亞出去抵當伊。 |
| 35:21 | 伊差使者來見約西亞，講：「猶大王啊，我及你甚麼干涉？我今仔日來呣是欲攻擊你，就是欲攻擊及我交戰的家，閣上帝吩咐我著趕緊，你莫得插上帝的事，免得伊剿滅你，因為上帝及我佇啲。」 |
| 35:22 | 總是約西亞呣肯越轉離開伊，改裝欲及伊交戰，呣聽上帝託尼哥所講出的話，就來到米吉多的山谷交戰。 |
| 35:23 | 射箭的人射著約西亞王。王對伊的人臣講：「帶我出去，因為我受重傷啦！」 |
| 35:24 | 伊的人臣扶伊出彼張車，下佇伊第二張車，載伊到耶路撒冷，伊就死，埋葬伊佇伊的列祖許個墓。猶大及耶路撒冷攏為著約西亞悲哀。 |
| 35:25 | 耶利米為約西亞哀傷。許個唱歌的男女佇𪜶的哀詞，攏有講起約西亞，到佇今仔日；閣佇以色列中用諸個做定著的例。看啊，許個攏記佇哀詞中。 |
| 35:26 | 約西亞其餘的事及伊照耶和華律法所記來行的好事， |
| 35:27 | 及伊對頭到尾所行的事，看啊！攏記佇以色列及猶大列王的記錄。 |
