走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 所羅門祈禱明白，就有火對天落來，一盡燒燒祭及別號的祭。耶和華的榮光充滿殿； |
|---|---|
| 7:2 | 因為耶和華的榮光充滿耶和華的殿，所以祭司𣍐會入耶和華的殿。 |
| 7:3 | 彼個火降落、閣耶和華的榮光佇殿裡的時，以色列眾人看見，就佇舖石的所在仆落地敬拜，感謝耶和華講：因為伊是好，伊的慈惠永永佇啲！ |
| 7:4 | 王及眾百姓佇耶和華的面前獻祭。 |
| 7:5 | 所羅門王用牛二萬二千隻，羊十二萬隻獻祭。按呢，王及眾百姓為著上帝的殿行獻殿的禮。 |
| 7:6 | 祭司照伊的職啲徛；利未人也提耶和華的樂器，就是前大衛用利未人謳咾的時，大衛王刁持造來感謝耶和華的。（因為伊的慈惠永永佇啲！）祭司佇𪜶的面前歕哨角，以色列人攏徛啲。 |
| 7:7 | 所羅門也分別耶和華殿前院中做聖，佇遐獻燒祭及謝恩祭的油，因為所羅門所曾造的銅壇無夠額容允許個燒祭、素祭及油膋。 |
| 7:8 | 彼時所羅門守節期七日，以色列眾人對哈馬的路口到埃及的溪，攏來及伊守成做大的會。 |
| 7:9 | 到第八日𪜶設嚴肅會，因為𪜶守獻壇的禮七日，閣守節七日。 |
| 7:10 | 七月二十三日，王差百姓倒去𪜶的布棚；逐個歡喜心快樂，是因為耶和華所施出互大衛、所羅門及伊的百姓以色列的恩惠。 |
| 7:11 | 對按呢所羅門起耶和華的殿及王宮完工；佇耶和華的殿及王宮見所羅門心內所愛做的，攏做到成功。 |
| 7:12 | 暝時耶和華出現佇所羅門，給伊講：「我已經聽你的祈禱，也揀此所在做獻祭我的殿。 |
| 7:13 | 我若關密天致到無落雨，抑是命令草蜢食伊的土產，抑是互瘟疫流行佇我的百姓中， |
| 7:14 | 我的百姓用我的名來稱的，若家己謙卑、祈禱，求見我的面，越轉離開𪜶的歹路，我欲對天聽𪜶，赦免𪜶的罪，醫治𪜶的地。 |
| 7:15 | 我欲目睭看、耳孔聽，佇此所在所獻的祈禱。 |
| 7:16 | 因為我今已經揀此間殿，分別伊做聖，互我的名永遠佇遐，我的目睭、我的心也欲久長佇遐。 |
| 7:17 | 論到你若行佇我的面前，親像你的老父大衛所行的，遵趁我一切所命令你的，執守我的律例我的法度， |
| 7:18 | 我就欲堅固你的國位，親像我及你的老父大衛所立的約，講：『你的後裔欲管理以色列永無斷。』 |
| 7:19 | 「恁若越轉來棄拺我的律例我的誡命，就是我下佇恁的面前的，去服事別個上帝來敬拜伊， |
| 7:20 | 我就欲對我賞賜𪜶的地拔𪜶的根，閣我為家己的名所分別做聖此間殿，也欲對我的面前棄拺伊，互伊佇萬國中做話柄受譏刺。 |
| 7:21 | 此間殿雖然真高，將來經過的人欲卬愕講：『耶和華啥事按呢款待此個地此間殿啊？』 |
| 7:22 | 就欲應講：『是因為𪜶棄拺耶和華──𪜶列祖的上帝，就是導𪜶出埃及地的，去結聯別個上帝，服事敬拜𪜶，所以耶和華互這一切的災禍臨到𪜶。』」 |
