走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 22:1 | 諸個代誌以後，上帝試亞伯拉罕，叫伊講：「亞伯拉罕！」伊應講：「我佇遮。」 |
|---|---|
| 22:2 | 上帝講：「你帶你的子，就是你獨生的子，你所疼的以撒，去摩利亞的地，我所欲指示你的山，佇遐將伊獻做燒祭。」 |
| 22:3 | 亞伯拉罕透早起來，備辦驢，帶伊的二個少年人及伊的子以撒，亦破燒祭的柴，就起身去上帝所指示伊的地。 |
| 22:4 | 到第三日，亞伯拉罕抬目遠遠看彼個所在。 |
| 22:5 | 亞伯拉罕對伊的少年人講：「恁及驢踮遮聽候，我及囝仔去遐敬拜，就倒來恁遮。」 |
| 22:6 | 亞伯拉罕將燒祭的柴下佇伊的子以撒的身上，家己的手抬火及刀；對彼霎二人相及行。」 |
| 22:7 | 以撒給伊的老父亞伯拉罕講：「父啊！」伊講：「我的子，我佇遮。」伊講：「你看，火及柴攏有，總是燒祭的羊仔佇叨落？」 |
| 22:8 | 亞伯拉罕講：「我的子，上帝欲家己備辦燒祭的羊仔。」對彼霎二人相及行。 |
| 22:9 | 𪜶到上帝指示伊的所在，亞伯拉罕佇遐起壇，將柴排好，縛伊的子以撒，下佇壇裡的柴頂。 |
| 22:10 | 亞伯拉罕就伸手抬刀，欲刣伊的子。 |
| 22:11 | 耶和華的使者對天叫伊講：「亞伯拉罕！亞伯拉罕！」伊應講：「我佇遮。」 |
| 22:12 | 使者講：「你呣通佇此個囝仔的身上下手，亦呣通對伊怎樣做。因為我今知你是敬畏上帝；亦無將你的子，就是你獨生者，留啲呣互我。」 |
| 22:13 | 亞伯拉罕抬目看，看見後面有一隻羊牨，角纏佇歸部的樹仔，亞伯拉罕就去掠彼隻羊牨來，獻做燒祭，來替伊的子。 |
| 22:14 | 亞伯拉罕名彼個所在叫「耶和華以勒」，到今仔日人猶啲講：「佇耶和華的山欲備辦。」 |
| 22:15 | 耶和華的使者第二擺對天叫亞伯拉罕講： |
| 22:16 | 「耶和華講：『你已經行此個事，無留你的子，就是你獨生的子，我就指家己咒誓講： |
| 22:17 | 我賜福欲賜福你；加添欲加添你的後裔，親像天頂的星，海邊的沙。你的後裔欲得著諸個對敵的關隘， |
| 22:18 | 閣地上萬邦欲因為你的後裔得著福氣；因為你聽趁我的話。』」 |
| 22:19 | 對彼霎亞伯拉罕倒來伊許個少年人遐，𪜶就相及起身去別是巴，亞伯拉罕就踮佇別是巴。 |
| 22:20 | 諸個代誌了後，有人給亞伯拉罕講：「密迦給你的小弟拿福生子， |
| 22:21 | 大的烏斯，小弟布斯及亞蘭的老父基某利， |
| 22:22 | 及基設、哈瑣、必達、益拉、彼土利（彼土利生利百加）。」 |
| 22:23 | 此八人攏是密迦給亞伯拉罕的小弟拿福生的。 |
| 22:24 | 拿福的細姨名流瑪，生提八、迦含、他轄，及瑪迦。 |
