走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 上帝記得挪亞及一切的活物以及及伊佇大船一切的精牲。上帝互風吹地，水就漸漸消失。 |
|---|---|
| 8:2 | 深淵的水源及天的孔隙攏關密，天裡的雨亦息。 |
| 8:3 | 水對地上直直退。一百五十日後，水就漸漸消。 |
| 8:4 | 七月十七日船靠佇亞拉臘的山。 |
| 8:5 | 水閣漸漸消，直直到十月，十月初一日，山頭才出現。 |
| 8:6 | 過四十日，挪亞開伊所做大船的窗仔， |
| 8:7 | 放一隻烏鴉出去；烏鴉飛來飛去，直直到地上的水乾。 |
| 8:8 | 伊閣放一隻鴿仔出去，欲看水對地上退抑未。 |
| 8:9 | 總是鴿仔尋無歇腳的所在，就倒轉來大船挪亞遐，因為遍地面猶有水，挪亞伸手接伊，掠入大船。 |
| 8:10 | 伊閣聽候七日，閣放鴿仔出大船。 |
| 8:11 | 到下昏鴿仔倒來伊遐，嘴咬一葉新的橄欖葉，挪亞才知水對地上退啦。 |
| 8:12 | 伊閣聽候七日，放鴿仔出去，鴿仔攏無閣倒來。 |
| 8:13 | 到挪亞六百連一歲，正月初一日，地上的水攏乾。挪亞就掀開大船的蓋來看，就看見地面已經乾。 |
| 8:14 | 二月二七日，土地攏乾。 |
| 8:15 | 上帝對挪亞講： |
| 8:16 | 「你及你的某、你的子、你的媳婦攏著出大船。 |
| 8:17 | 佇你遐見有肉體的活物，就是飛鳥、精牲，及一切趖佇地上的蟲，攏著帶𪜶出，互𪜶興旺佇地裡，生湠真多。」 |
| 8:18 | 對彼霎挪亞及伊的子、伊的某、伊的媳婦攏出來。 |
| 8:19 | 一切的走獸、一切的蟲𧒴、一切的飛鳥，見若地上所有的動物，各照伊的族類，亦攏出大船。 |
| 8:20 | 挪亞為著耶和華起一座壇，對逐樣清氣的精牲，逐樣清氣的飛鳥取來獻佇壇頂做燒祭。 |
| 8:21 | 耶和華鼻伊的芳味，耶和華心內就講：「我無閣因為人的緣故咒詛地（因為人對細漢的時心所想就歹），我無欲照我所有行的閣滅各種的活物。 |
| 8:22 | 地猶佇啲的時，栽種收成、寒熱、冬天夏天、日暝攏無歇。 |
