走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 29:1 | 雅各起身，到東方的人的地， |
|---|---|
| 29:2 | 看見田裡有一口井，有三陣羊倒佇井邊；因為人互羊群飲攏是用彼個井的水。井嘴用大石蓋。 |
| 29:3 | 平時羊群聚集佇遐，人就將石頭徙離井嘴互羊飲水，才閣將石頭徙到原位。 |
| 29:4 | 雅各對𪜶講：「兄弟啊，對叨落來？」𪜶講：「阮對哈蘭來。」 |
| 29:5 | 問𪜶講：「拿福的孫拉班，恁識伊嗎？」講：「識伊。」 |
| 29:6 | 閣對𪜶講：「伊平安嗎？」講：「平安。你看，伊的查某子拉結導伊的羊群啲來。」 |
| 29:7 | 講：「日猶高，精牲聚集的時未到，呣值著互羊飲水，閣去飼。」 |
| 29:8 | 𪜶講：「阮𣍐會，著聽候多多陣攏聚集，人徙石離開井嘴才通互羊飲。」 |
| 29:9 | 雅各啲及𪜶講話的時，拉結導𪜶老父的羊來，因為是伊啲顧。 |
| 29:10 | 雅各看見母舅拉班的查某子拉結及母舅拉班的羊群，就進前將石徙離井嘴，互𪜶母舅拉班的羊群飲。 |
| 29:11 | 雅各給拉結唚嘴，開聲哭。 |
| 29:12 | 雅各閣給拉結講，伊是𪜶老父的外甥，是利百加的子，拉結就走去給𪜶老父講。 |
| 29:13 | 拉班聽見外甥雅各的消息，就走去迎接伊，抱伊，及伊唚嘴，導伊到𪜶兜。雅各將一切的事情給拉班講。 |
| 29:14 | 拉班給雅各講：「你實在是我的骨肉。」伊就及伊住一月日。 |
| 29:15 | 拉班給雅各講：「你雖然是我的親戚，豈通白白做我的工？請給我講，你欲甚麼工錢？」 |
| 29:16 | 拉班有二個查某子，大的名叫利亞，細的名叫拉結。 |
| 29:17 | 利亞目睭卡輸，拉結生做好看。 |
| 29:18 | 雅各疼拉結，就講：「我願為著你細的查某子拉結給你做工七年。」 |
| 29:19 | 拉班講：「將伊嫁互你，卡好互別人，你及我住！」 |
| 29:20 | 雅各就為著拉結給伊做工七年；因為深疼伊，看做幾若日。 |
| 29:21 | 雅各對拉班講：「日期已經滿，求你將我的某互我，我通及伊同房。」 |
| 29:22 | 拉班聚集彼所在的眾人，辦筵席請𪜶。 |
| 29:23 | 到日暗，拉班將伊的查某子利亞送來互伊，雅各就及伊同房。 |
| 29:24 | 拉班將伊的女婢悉帕互伊的查某子利亞做女婢。 |
| 29:25 | 到天光，一下看見是利亞，就對拉班講：「你給我做的是甚麼？我給你做工，豈呣是為著拉結嗎？你啥事騙我？」 |
| 29:26 | 拉班講：「未嫁大的代先嫁細的，佇阮遮無人按呢做。 |
| 29:27 | 你及此個著滿七日，阮就將彼個亦嫁互你，你為著伊閣給我做工七年。」 |
| 29:28 | 雅各就照按呢行。及此個滿七日，伊就將伊的查某子拉結互伊做某。 |
| 29:29 | 拉班將伊的女婢辟拉互伊的查某子拉結做女婢。 |
| 29:30 | 雅各亦及拉結同房，閣疼拉結贏過利亞，就閣給拉班做工七年。 |
| 29:31 | 耶和華看利亞無得寵，就互伊懷孕，獨獨拉結無。 |
| 29:32 | 利亞懷孕生子，就給伊號名流便，因為講：「耶和華看見我的苦情，今我的丈夫欲疼我。」 |
| 29:33 | 伊閣懷孕生子，講：「耶和華聽見我無得寵，所以閣互我此個子」，就給伊號名西緬。 |
| 29:34 | 閣懷孕生子，講：「我給丈夫生三個子，伊欲及我結聯。」名叫利未。 |
| 29:35 | 閣懷孕生子，講：「此下我欲謳咾耶和華」，所以叫伊的名猶大。就停無閣生。 |
