走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 以撒叫雅各來，給伊祝福亦吩咐伊講：「你呣通娶迦南的查某囝仔做某。 |
|---|---|
| 28:2 | 你起來去巴旦亞蘭，到你的外公彼土利的家，佇你的母舅拉班查某子的中間娶一個做某。 |
| 28:3 | 願全能的上帝賜福你，互你生湠真多，成做多多族， |
| 28:4 | 閣將所應允亞伯拉罕的福氣互你及你的後裔，互你承接你所寄居的地，就是上帝所互亞伯拉罕的。」 |
| 28:5 | 以撒差雅各去，伊就去巴旦亞蘭，到亞蘭人彼土利的子拉班遐。伊是雅各、以掃的母舅。 |
| 28:6 | 以掃看見以撒給雅各祝福，閣差伊去巴旦亞蘭，欲對遐娶某，亦看見祝福伊的時吩咐伊講：「呣通娶迦南的查某囝仔做某」， |
| 28:7 | 閣看見雅各聽父母的話去巴旦亞蘭， |
| 28:8 | 以掃就知迦南的查某囝仔伊的老父以撒呣中意， |
| 28:9 | 以掃就去以實瑪利遐，佇伊許個某以外閣娶瑪哈拉做某。伊是亞伯拉罕的子以實瑪利的查某子，尼拜約的小妹。 |
| 28:10 | 雅各離開別是巴，向哈蘭去； |
| 28:11 | 到一所在，因為日落，就佇遐歇暝，對許個石頭的中間提一塊做枕頭，佇遐睏， |
| 28:12 | 夢見有梯吚a佇地裡，梯頂抵天，有上帝的使者佇梯裡啲上落。 |
| 28:13 | 耶和華徛佇梯頂，講：「我是耶和華──你的祖亞伯拉罕的上帝，亦是以撒的上帝；我欲將你現在所睏的地賞賜你及你的後裔。 |
| 28:14 | 你的後裔欲親像地上的土沙，你欲對東西南北來發展；地上萬族欲因為你及你的後裔得著福氣。 |
| 28:15 | 我亦及你佇啲。你無論去叨落，我欲保護你，亦欲導你倒來此所在，攏無放拺你，到我成對你所講的。」 |
| 28:16 | 雅各睏醒，講：「耶和華真正佇遮，我竟然呣知！」 |
| 28:17 | 就驚講：「此所在到即通驚！呣是別項，這是上帝的厝，這是天的門。」 |
| 28:18 | 雅各早早起來，將伊做枕頭的石吚a做柱，倒油佇頂面。 |
| 28:19 | 就名彼所在叫伯特利；此個城本名路斯。 |
| 28:20 | 雅各下願講：「上帝若及我佇啲，佇我所行的路保護我，閣互我有物通食，有衫通穿， |
| 28:21 | 互我安然倒來我的父的厝，就耶和華的確做我的上帝。 |
| 28:22 | 我所吚a做柱的石欲做上帝的厝；見若你所賞賜我的，我欲將十份的一份獻互你。」 |
