走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 37:1 | 雅各徛起迦南地，就是伊的老父寄腳的所在。 |
|---|---|
| 37:2 | 雅各的世系記佇下底。約瑟十七歲及伊許個兄相及顧羊。伊是一個囝仔，及伊的老父的細姨辟拉的子，悉帕的子常常做陣。約瑟將伊許個兄的歹品行給𪜶老父講。 |
| 37:3 | 今以色列疼約瑟卡贏過佇疼伊的眾子，因為約瑟是伊年老生的；伊給伊做一領彩色的衫。 |
| 37:4 | 約瑟許個兄看見老父疼約瑟過頭佇疼𪜶，就怨恨約瑟，𣍐會及伊講和睦的話。 |
| 37:5 | 約瑟夢見一個夢，給伊許個兄講，𪜶就閣卡怨恨伊。 |
| 37:6 | 約瑟對𪜶講：「請恁聽我所夢見的夢： |
| 37:7 | 咱佇園裡縖五穀，我所縖的起來徛，恁所縖的圍纍來拜我所縖的。」 |
| 37:8 | 伊的兄應講：「總無你真正欲做阮的王嗎？真正欲管轄阮嗎？」𪜶就為著伊的夢及伊的話閣卡怨恨伊。 |
| 37:9 | 後來伊閣夢見一個夢，亦給伊的兄講：「你看，我又閣夢見一個夢，有日、月，及十一粒星啲拜我。」 |
| 37:10 | 約瑟給伊的老父及伊的兄講；𪜶老父就責備伊講：「你所夢見此個夢是怎樣！總無我及恁老母、恁兄弟攏欲仆啲，拜你嗎？」 |
| 37:11 | 伊的兄攏怨妒伊，伊的老父用諸個話記佇心內。 |
| 37:12 | 約瑟的兄去示劍，飼老父的羊。 |
| 37:13 | 以色列對約瑟講：「恁兄豈呣是佇示劍飼羊嗎？你來，我欲差你去𪜶遐。」伊應講：「我佇遮。」 |
| 37:14 | 伊給伊講：「你去看恁兄有平安抑無，羊群有平安抑無，倒來給我講」；就差伊出希伯崙的山谷，伊就去到示劍。 |
| 37:15 | 有人撞著伊佇山裡迷路，就問伊講：「你啲尋甚麼？」 |
| 37:16 | 伊講：「我啲尋我的兄，請給我講，𪜶佇叨落啲飼羊？」 |
| 37:17 | 彼人講：「𪜶已經離開遮，因為我聽見𪜶啲講，咱來去多坍。」約瑟就去趇伊的兄，抵著𪜶佇多坍。 |
| 37:18 | 𪜶遠遠看見伊，伊猶未行到𪜶遐，𪜶就相及計謀欲害死伊， |
| 37:19 | 大家相及講：「你看！做夢者來啦。 |
| 37:20 | 乎來！今咱給伊刣死，㧒佇一個乾井，才來講有歹獸食伊。咱才看伊的夢將來怎樣。」 |
| 37:21 | 流便聽見，就救伊脫離𪜶的手，講：「咱呣通害伊的生命」； |
| 37:22 | 流便閣對𪜶講：「呣通互伊流血，通給伊㧒佇此個曠野的乾井，呣通下手害伊。」意思是欲救伊脫離𪜶的手，互伊倒去伊的老父遐。 |
| 37:23 | 約瑟到伊的兄遐，彼霎𪜶就褪約瑟的外衫，就是伊身軀彼領彩色的衫， |
| 37:24 | 就掠伊㧒落井；彼個井是乾的，內面無水。 |
| 37:25 | 𪜶坐啲食餅，抬目看，看見一陣以實瑪利人對基列來，用駱駝背香料、乳香、沒藥，欲帶落去埃及。 |
| 37:26 | 猶大對諸個兄弟講：「咱刣死咱的小弟，囥密伊的血，有甚麼利益？ |
| 37:27 | 咱來給伊賣互以實瑪利人，呣通下手害伊；因為伊是咱的小弟，咱的骨肉。」兄弟聽伊。 |
| 37:28 | 有許個米甸的生理人對遐過，伊的兄就給約瑟對井內拔起來，將伊賣互以實瑪利人，得著二十個銀。許個人就帶約瑟去埃及。 |
| 37:29 | 流便倒轉來井邊，看見約瑟無佇井內，就拆裂家己的衫， |
| 37:30 | 倒去小弟遐，講：「囝仔無去啦。也我呢，我欲叨落去？」 |
| 37:31 | 𪜶就刣一隻山羊牨，將約瑟彼領衫搵血， |
| 37:32 | 就差人提彼領彩色的衫去𪜶老父遐，講：「阮尋著此領，請你認看是你的子的外衫抑呣是？」 |
| 37:33 | 伊認得，就講：「這是我的子的外衫。有歹獸給食伊，約瑟的確互伊拆碎。」 |
| 37:34 | 雅各就拆裂衫，腰縖麻布，為伊的子哀傷多多日。 |
| 37:35 | 伊的子及伊的查某子攏起來安慰伊，伊呣肯受安慰，講：「我的確哀傷落陰府到我的子遐。」伊的老父為著伊啼哭。 |
| 37:36 | 米甸人帶約瑟到埃及，將伊賣互法老的人臣──侍衛長波提法。 |
