走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 26:1 | 亞伯拉罕的時，頭一擺飢荒以後；彼所在閣有飢荒，以撒就去基拉耳，到非利士的王亞比米勒遐。 |
|---|---|
| 26:2 | 耶和華對伊出現講：「你呣通落去埃及，著住佇我所指示你的地。 |
| 26:3 | 你寄居佇此個地，我欲及你佇啲，賜福你，因為我欲將諸個地攏互你及你的後裔。我欲堅固我對你的父亞伯拉罕所咒的誓。 |
| 26:4 | 我欲加添你的後裔，親像天裡的星許多，閣欲將諸個地攏互你的後裔。閣地上萬國欲因為你的後裔得著福氣── |
| 26:5 | 是因為亞伯拉罕聽我的話，守我的吩咐、我的命令、我的律例、我的法度。」 |
| 26:6 | 以撒徛起基拉耳。 |
| 26:7 | 彼所在的人問到伊的某，伊就講：「伊是我的小妹。」呣敢講：「是我的某」；心內想：「驚了彼所在的人為著利百加的緣故刣我」，因為伊面貌真娞。 |
| 26:8 | 伊佇遐已經久。非利士王亞比米勒對窗仔看，看見以撒及伊的某利百加啲滾笑。 |
| 26:9 | 亞比米勒叫以撒來，給伊講：「伊實在是你的某，你啥事講伊是我的小妹？」以撒講：「我心內想，驚了我為著伊來死。」 |
| 26:10 | 亞比米勒講：「你對阮所做的是甚麼事？百姓的中間險險有人及你的某相及睏，你就互阮陷落罪。」 |
| 26:11 | 對彼霎亞比米勒就吩咐眾百姓講：「凡若磕著此人及伊的某的，定著欲互伊死。」 |
| 26:12 | 以撒佇彼所在種作，彼年得著百倍。耶和華賜伊福氣， |
| 26:13 | 伊就成做大，愈久愈大，到成做大富戶。 |
| 26:14 | 伊有羊群牛群，亦有多多奴僕，非利士人就怨妒伊。 |
| 26:15 | 當伊的老父亞伯拉罕佇啲的日，伊的老父的奴僕所開的井，非利士人攏給伊塞去，用土填滿。 |
| 26:16 | 亞比米勒給以撒講：「你著離開阮去。因為你比阮嶄然卡強盛。」 |
| 26:17 | 以撒就離開遐，佇基拉耳的山谷搭布棚，踮遐徛起。 |
| 26:18 | 當伊的老父亞伯拉罕佇啲的日所開許個水井，到亞伯拉罕死後互非利士人填去，以撒重再給伊開，猶原照𪜶老父所號的名來名許個井。 |
| 26:19 | 以撒的奴僕佇山谷啲掘，抵著一個活水的井。 |
| 26:20 | 基拉耳的牧者及以撒的牧者相爭，講：「此個水是阮的。」以撒就號彼個井的名叫埃色，因為𪜶及伊相爭。 |
| 26:21 | n閣開一個井，為此個井閣相爭，就叫伊的名西提拿。 |
| 26:22 | 離開遐，閣開一個井，𪜶無為此個井閣相爭，就給伊號名利河伯。是講：「耶和華今互阮開闊的地，阮欲佇此個地興旺。」 |
| 26:23 | 以撒對遐上去別是巴。 |
| 26:24 | 彼暝耶和華對伊出現，講：「我是你的老父亞伯拉罕的上帝，呣免驚！因為我及你佇啲，欲賜福你，互你的後裔興旺，攏是為著我的奴僕亞伯拉罕的緣故。」 |
| 26:25 | 伊就佇遐起一座壇，求叫耶和華的名，佇遐搭伊的布棚；以撒的奴僕就佇遐開一個井。 |
| 26:26 | 亞比米勒及伊的朋友亞戶撒以及伊的軍長非各，對基拉耳來見伊。 |
| 26:27 | 以撒對𪜶講：「恁既然怨恨我，教我離開恁，今啥事來我遮？」 |
| 26:28 | 𪜶講：「阮明明看見耶和華及你佇啲，呣值著咱中間你阮咒誓，互阮及你立約， |
| 26:29 | 你無害阮，親像阮未曾磕著你，獨獨好款待你，送你安然倒去。今你是耶和華賜福者。」 |
| 26:30 | 以撒就為𪜶設筵席，𪜶就食就飲。 |
| 26:31 | 透早起來大家咒誓。以撒送𪜶起身，𪜶就安然離開伊去。 |
| 26:32 | 像彼日，以撒的奴僕來，將𪜶開井的事通知伊講：「阮得著水啦。」 |
| 26:33 | 伊就叫彼個井的名叫示巴；所以到今仔日彼個城的名叫做別是巴。 |
| 26:34 | 以掃四十歲的時娶赫人比利的查某子猶滴，及赫人以倫的查某子巴實抹做某。 |
| 26:35 | 此二個婦仁人常常互以撒及利百加心內大憂悶。 |
