走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 49:1 | 雅各叫伊許個子來，講：「恁攏聚集，我欲將恁日後所會抵著的事給恁講。 |
|---|---|
| 49:2 | 雅各諸個子，恁著聚集來聽，著聽恁老父的話。 |
| 49:3 | 流便啊，你是我的大子，我的權勢我的氣力的起頭，威嚴的特色者，權能的特色者。 |
| 49:4 | 總是你親像水啲滾，的確𣍐得著居頭位；因為你絔上恁老父的眠床，彼時你拍垃墋伊，伊絔上我的舖。 |
| 49:5 | 西緬、利未是兄弟；𪜶的刀劍是兇惡的器具。 |
| 49:6 | 我的心神啊，你呣通及𪜶同計謀；我的神魂啊，你呣通及𪜶的會眾聯絡；因為𪜶逞起受氣刣死人，𪜶出在意思割斷牛腿的大筋。 |
| 49:7 | 𪜶的受氣躁暴通咒詛；𪜶的恨氣殘忍亦是通咒詛。我欲分開𪜶佇雅各家，四散𪜶佇以色列族。 |
| 49:8 | 猶大啊，你的兄弟欲謳咾你；你的手欲扼對敵的頷頸；你的老父的子欲仆拜佇你面前。 |
| 49:9 | 猶大是細隻獅；我的子啊，你對所抓著的物就上去。伊屈落，伊撐腳親像獅，亦親像母的獅，是誰敢惹伊？ |
| 49:10 | 權柄無離開猶大，治理者無離開伊兩支腳的中間，到細羅來，列邦攏欲歸伊。 |
| 49:11 | 縛伊的驢仔佇葡萄樹，縛伊的驢仔子佇好的葡萄樹。用葡萄酒洗伊的衣服，用葡萄汁洗伊的衣裳。 |
| 49:12 | 伊的目睭因為酒來紅；伊的嘴齒因為奶來白。 |
| 49:13 | 西布倫欲徛起海口，欲做拋船的海口；伊的界欲到西頓。 |
| 49:14 | 以薩迦是勇的驢，倒佇羊稠的中間。 |
| 49:15 | 伊看安靜做好，看土地做娞，俯肩頭擔壓，成做勞苦的奴僕。 |
| 49:16 | 但欲判斷伊的百姓，親像以色列支派的一個。 |
| 49:17 | 但欲做路裡的蛇，路中的毒蛇，咬傷馬蹄，騎的人向對後面落去。 |
| 49:18 | 耶和華啊，我有聽候你的拯救。 |
| 49:19 | 迦得欲互軍隊追迫；總是伊欲追迫𪜶的腳後㬹。 |
| 49:20 | 亞設欲出好的米糧，閣出王所食的好物。 |
| 49:21 | 拿弗他利是解放的鹿母：出好聽的話。 |
| 49:22 | 約瑟是𠢕結果子的樹枝，伊的樹枝伸出牆外。 |
| 49:23 | 射箭的人大傷害伊，用箭射伊，窘迫伊。 |
| 49:24 | 總是伊的弓猶原緊；伊的手也得著有力，這是對雅各的全能者的手，對這就有出牧者，以色列的石磐。 |
| 49:25 | 亦對你的父的上帝，伊欲幫助你；閣對彼個全能者，伊欲賜福你，欲用天頂降落的福氣，深淵所囥的福氣，以及食奶生產的福氣，攏欲互你。 |
| 49:26 | 你的老父所祝的福氣贏過我的父公所祝的福氣，直到永世代的山嶺，極頭的邊界；諸個福氣欲降落佇約瑟的頭殼，臨到彼個及兄弟特別者的頭殼頂。 |
| 49:27 | 便雅憫是𠢕擘拆的豺狼，早起時食伊所抓著的，下昏時分伊所搶著的。」 |
| 49:28 | 這一切是以色列的十二支派；這亦是𪜶的老父對𪜶所講的話，給𪜶所祝福的，攏是照逐人的福份給𪜶祝福。 |
| 49:29 | 伊閣吩咐𪜶講：「我欲倒去我的列祖遐，恁著將我埋葬佇赫人以弗崙田裡的穴，及我的父公像所在， |
| 49:30 | 就是佇迦南地幔利的面前、麥比拉田裡的穴；彼個穴及田是亞伯拉罕對赫人以弗崙買做業，來做墓地的。 |
| 49:31 | 佇遐埋葬亞伯拉罕及伊的某撒拉，閣佇遐埋葬以撒及伊的某利百加；我亦佇遐埋葬利亞。 |
| 49:32 | 彼區田及彼內面的穴是對赫人買的。」 |
| 49:33 | 雅各吩咐伊許個子明白，腳勼上床，就氣斷，倒去伊的列祖遐。 |
