走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 12:1 | 羅波安去示劍；因為以色列眾人到示劍欲設立伊做王。 |
|---|---|
| 12:2 | 前尼八的子耶羅波安閃避所羅門王的面，走去埃及，踮佇遐（耶羅波安猶佇埃及的時聽見此個事。） |
| 12:3 | 𪜶差人去叫伊來，耶羅波安就及以色列全會來見羅波安，給伊講： |
| 12:4 | 「你的老父互阮背艱苦的軛，你的老父所下佇阮的苦工，及重的軛求你減輕，阮就服事你。」 |
| 12:5 | 羅波安給𪜶講：「恁倒去，到第三日閣來見我。」百姓就去。 |
| 12:6 | 羅波安的老父所羅門活啲的時，有跟隨佇伊面前的老人，羅波安王及𪜶議論，講：「恁有甚麼計策，我通回覆此個百姓。」 |
| 12:7 | 𪜶應伊講：「今仔日你若願做諸個百姓的奴僕來服事𪜶，用好話來應𪜶，𪜶就永遠做你的奴僕。」 |
| 12:8 | 總是伊拒絕老人所互伊的計策，及許個徛佇伊面前及伊平勻的少年人參詳， |
| 12:9 | 給𪜶講：「此個百姓有對我講：『你的老父下佇阮的軛，求你互阮卡輕。』今恁有甚麼計策，互咱通回覆𪜶。」 |
| 12:10 | 許個及伊平勻的少年人講：「此個百姓對你講：『你的老父互阮背重的軛，求你給阮減輕。』你著按呢應𪜶講：『我的尾指卡大我的老父的腰。 |
| 12:11 | 我的老父互恁背重的軛，我欲加添恁的軛！我的老父用鞭警戒恁，我欲用蠍仔蟲警戒恁！』」 |
| 12:12 | 第三日耶羅波安及眾百姓到羅波安遐，照王所命令講「第三日閣來我遮」。 |
| 12:13 | 王用歹聲嗽應百姓，放拺老人所獻的計策， |
| 12:14 | 照少年人的計策對百姓講：「我的父互恁背重的軛，我欲加添恁的軛！我的父用鞭警戒恁，我欲用蠍仔蟲警戒恁！」 |
| 12:15 | 王無聽趁百姓，因為此個代誌是出佇耶和華，是欲應驗耶和華託示羅人亞希雅對尼八的子耶羅波安所講的話。 |
| 12:16 | 以色列眾百姓看見王無聽趁𪜶，百姓就對王講：阮佇大衛有甚麼份額啊！阮及耶西的子無干涉。以色列啊，倒去恁的布棚！大衛啊，著顧你家己的厝！對按呢，以色列倒去𪜶的布棚， |
| 12:17 | 總是徛起猶大諸個城的以色列人，羅波安猶原做𪜶的王。 |
| 12:18 | 羅波安王差管理做苦工的人亞多蘭去，以色列眾人就用石頭擲死伊。羅波安王就趕緊上車，欲走去耶路撒冷。 |
| 12:19 | 對按呢，以色列反叛大衛家，到今仔日。 |
| 12:20 | 以色列眾人聽見耶羅波安倒來，就差人請伊到會眾的面前，設立伊做以色列眾人的王。猶大支派以外，無人隨大衛的家。 |
| 12:21 | 羅波安到耶路撒冷的時，就聚集猶大全家及便雅憫支派的人共十八萬人，攏是過揀的戰士，欲及以色列家交戰，互國位閣歸佇所羅門的子羅波安。 |
| 12:22 | 總是上帝的話臨到上帝的奴僕示瑪雅，講： |
| 12:23 | 「你去給所羅門的子猶大王羅波安及猶大、便雅憫全家，以及其餘的百姓講： |
| 12:24 | 『耶和華按呢講：恁莫得上去莫得及恁的兄弟以色列人交戰。逐人倒去伊的家！因為此個代誌出佇我。』」𪜶聽耶和華的話，就倒轉去，照耶和華的話。 |
| 12:25 | 耶羅波安佇以法蓮山地起造示劍，就踮佇彼中間；閣對遐出去，起毗努伊勒。 |
| 12:26 | 耶羅波安心內講：「今此個國欲歸大衛的家； |
| 12:27 | 此個百姓若上去耶路撒冷，佇耶和華的殿獻祭，此個百姓的心欲歸𪜶的主──猶大王羅波安，𪜶欲刣死我，猶原歸猶大王羅波安。」 |
| 12:28 | 王就計劃，鑄造二隻金的牛仔，對眾百姓講：「恁上去耶路撒冷實在為難；以色列啊，看啊，諸個是恁的上帝，導恁對埃及地上來的。」 |
| 12:29 | 伊下一隻佇伯特利，下一隻佇但。 |
| 12:30 | 此個代誌成做罪，因為百姓去但佇彼隻的頭前拜。 |
| 12:31 | 王佇山頭起廟，對百姓中無屬利未族的，設立伊做祭司。 |
| 12:32 | 耶羅波安定著八月彼月的十五設節期，親像猶大的節期一樣，佇壇頂獻祭。佇伯特利也是按呢做，獻祭佇伊所鑄的牛仔，閣將伊所起造山頭壇的祭司安置佇伯特利。 |
| 12:33 | 伊佇八月十五日，就是伊的心私奇所定著的月，獻祭佇伊佇伯特利所起的壇，給以色列人設節期，獻祭佇壇裡閣燒香。 |
