走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 20:1 | 亞蘭王便哈達聚集伊的全軍，有三十二個王及伊去，有馬有車上去圍撒瑪利亞來攻伊； |
|---|---|
| 20:2 | 閣差使者入城見以色列王亞哈，給伊講：「便哈達按呢講： |
| 20:3 | 你的銀你的金攏是我的，你許個某你許個子兒第一娞的也是我的。」 |
| 20:4 | 以色列王應講：「我的主我的王啊，照你的話，我及我所有的攏是你的。」 |
| 20:5 | 使者閣來講：「便哈達按呢講：我卻有差人去見你，愛你將你的銀、金、某、子兒攏交互我。 |
| 20:6 | 總是明仔日約略此時，我欲差我的使者到你遐，搜尋你的厝及你的奴僕的厝，見若你所看做好的，𪜶欲親手帶去。」 |
| 20:7 | 以色列王召國內的長老攏來，給𪜶講：「恁看，此個人刁持尋縫欲害我，伊曾差人來我遮，欲我的某、子兒、及金銀，我無推辭伊。」 |
| 20:8 | 長老及眾百姓攏給王講：「呣通聽伊，也呣通允伊。」 |
| 20:9 | 所以，王給便哈達的使者講：「恁給我的主我的王講：你代先差人對你的奴僕所討的，我有允；總是此個，我𣍐行得。」使者就倒去回覆。 |
| 20:10 | 便哈達閣差人講：「撒瑪利亞的土粉若有夠額互隨我的人逐人搣一把，就願許個上帝加倍責罰我！」 |
| 20:11 | 以色列王應講：「恁給伊講，穿盔甲者，呣通親像褪盔甲者來誇口。」 |
| 20:12 | 便哈達及許個王佇布棚內飲酒，聽見諸個話，就給伊的人臣講：「通排陣！」𪜶就排陣攻城。 |
| 20:13 | 有一個先知來見以色列王亞哈，講：「耶和華按呢講：『你有看見此大陣的人無？看啊，今仔日我欲將𪜶交佇你的手，你就知我是耶和華。』」 |
| 20:14 | 亞哈講：「欲用是誰啊？」伊應講：「耶和華按呢講，用諸個省長的少年人。」亞哈講：「甚麼人欲排陣啊。？」伊應講：「就是你。」 |
| 20:15 | 伊就算許個省長的少年人，共有二百三十二名，後來伊閣算眾百姓就是以色列人，共七千名。 |
| 20:16 | 日中晝的時，𪜶就出去；便哈達及許個王就是幫助伊的三十二個王佇布棚內食酒醉。 |
| 20:17 | 許個省長的少年人做頭出去；便哈達差人去探覓，𪜶回覆講：「有人對撒瑪利亞出來。」 |
| 20:18 | 伊講：「𪜶若為著講和出來，著活活掠𪜶；若為著交戰出來，也著活活掠𪜶。」 |
| 20:19 | 許個省長的少年人出城，軍兵隨𪜶； |
| 20:20 | 逐人刣伊的對敵。亞蘭人逃走，以色列人趇𪜶；亞蘭王便哈達騎馬及許個馬兵逃脫。 |
| 20:21 | 以色列王出城，拍許個車及馬，大大刣死亞蘭人。 |
| 20:22 | 彼個先知來見以色列王，給伊講：「你著家己強壯，謹慎著怎樣做；因為明年此時，亞蘭王欲上來攻擊你。」 |
| 20:23 | 亞蘭王的人臣給伊講：「以色列人的上帝是山頭的上帝，所以𪜶卡贏咱；總是咱若佇平洋及𪜶交戰，就會卡贏𪜶。 |
| 20:24 | 著按呢行：許個王逐個著免職，立軍長來替𪜶， |
| 20:25 | 閣招募一隊軍兵，照你所失落的軍兵，用馬補馬，用車補車，咱佇平洋及𪜶交戰，穩當會贏。」王就聽𪜶的話去行。 |
| 20:26 | 隔年，便哈達點算亞蘭人上去亞弗，欲及以色列人交戰。 |
| 20:27 | 以色列人也點算𪜶的數額，備辦軍糧，出去抵敵伊，紮營佇𪜶的對面，親像二小群的山羊仔；總是亞蘭人滿地面。 |
| 20:28 | 有上帝的奴僕來見以色列王，講：「耶和華按呢講：『因為亞蘭人講──耶和華是山頭的上帝，呣是山谷的上帝，所以我欲將此大陣的人攏交佇你的手，恁就知我是耶和華。』」 |
| 20:29 | 就紮營大家相對面七日，到第七日雙旁軍兵交戰；佇此日以色列人刣死亞蘭人步兵十萬， |
| 20:30 | 其餘的走入亞弗城；彼個城牆倒，壓死所剩的二萬七千人。便哈達走入城，匿佇內房。 |
| 20:31 | 伊的人臣給伊講：「看啊，阮聽見以色列家的列王是仁慈的王，求你准阮縖麻布佇阮的腰，頭殼披索，出去投降以色列王，豈採伊欲饒你的生命。」 |
| 20:32 | 𪜶就腰縖麻布，頭殼披索，去見以色列王，講：「你的奴僕便哈達講，求你饒我的生命。」亞哈講：「伊猶活啲嗎？伊是我的兄弟。」 |
| 20:33 | 許個人斟酌聽伊的口氣，連鞭順伊的話尾講：「你的兄弟便哈達！」伊講：「恁去導伊來。」便哈達出來見王，王就互伊坐車。 |
| 20:34 | 便哈達給伊講：「我的父對你的父所搶許個城，我欲還你。閣你通佇大馬色設街市，親像我的父佇撒瑪利亞所設的一樣。」亞哈講：「我照此個約，放你倒去」，就及伊立約，放伊倒去。 |
| 20:35 | 有先知的學生的一人用耶和華的話給伊的同伴講：「請你拍我！」彼人呣肯拍伊。 |
| 20:36 | 伊就給伊講：「因為你呣趁耶和華的話，你一下離開我，欲有獅咬死你。」伊一下離開伊去，果然有獅抵著，來咬死伊。 |
| 20:37 | 伊閣抵著一人，給伊講：「請你拍我！」伊就拍伊，拍到著傷。 |
| 20:38 | 先知就去，佇路裡聽候王，改伊的容貌，用巾罩目睭。 |
| 20:39 | 王對遐經過的時，伊叫王講：「你的奴僕出陣，有一人越來邊仔，閣導一人來交我，講：『你顧守此個人，若伊失落，你的生命著替伊的生命；若無，你著交出一他連得的銀。』 |
| 20:40 | 你的奴僕顧此項彼項的時，彼人續無去。」以色列王給伊講：「你的案件按呢，你已經家己判斷。」 |
| 20:41 | 伊趕緊除去罩目睭的巾，以色列王就認得伊是先知的一個。 |
| 20:42 | 伊給王講：「耶和華按呢講：『因為你將我所定著欲滅的人放互伊去，你的生命就著替伊的生命，你的百姓就著替伊的百姓。』」 |
| 20:43 | 以色列王就鬱悶無歡喜到撒瑪利亞，倒去伊的厝。 |
