走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  出埃及記  第12章

章節快速選擇 :   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
上下篇聖經查閱： 創世記    利未記     回到目錄
12:1 耶和華佇埃及地對摩西、亞倫講：
12:2 「此月著做恁的正月，做年年的頭一月。
12:3 恁著對以色列的全會講：本月初十日，逐人著照老父的家取羊仔，一家一隻。
12:4 若是一家的人甚少，一隻羊仔食𣍐了，伊著及隔壁的厝邊照人額相及取一隻。恁備辦羊仔，著按算逐人所會食的量。
12:5 恁的羊仔著無瑕疵的、未滿年的羊牨仔，恁著對綿羊中，抑是山羊中取伊，攏通。
12:6 恁著留到本月十四日，黃昏的時，以色列全會的眾人著刣羊仔。
12:7 𪜶著取淡薄血，抹佇食羊仔彼間厝雙旁的門kheng及門楣。
12:8 彼暝著食羊仔的肉；用火pek伊，及無酵餅苦菜參啲食。
12:9 呣通生生食，決斷呣通用水煮，著用火pek，頭、腳、及五臟，攏著食。
12:10 攏呣通留過早起；若留到過早起，著用火燒。
12:11 恁著按呢食伊，腰縖帶，腳穿鞋，手抬柺仔，也著趕緊食；這是耶和華的𨃟過節。
12:12 因為彼暝我欲遍行埃及地，拍死埃及地一切頭上生的，無論人及精牲，閣欲審判埃及一切的上帝。我就是耶和華。
12:13 此個血佇恁所徛起的厝欲做恁的記號；我一下看見此個血，就對恁𨃟過去。我拍埃及地的時，災禍無到佇恁來滅恁。」
12:14 「恁著用此日做紀念，守伊做耶和華的節，恁著代代守此個節做永遠的例。
12:15 恁著食無酵餅七日久。頭一日著對恁逐間厝除去酵；因為對頭一日，到第七日，凡若食有酵的，欲對以色列中除去。
12:16 頭一日恁著有聖會，七日也著有聖會。此二日，除去備辦逐人所著食的以外，無論甚麼工攏呣通做。
12:17 恁著守無酵節，因為我扺扺佇彼日導恁的軍隊對埃及地出來。所以，恁著守此日，逐世代做永遠的例。
12:18 對正月十四下昏，到二一下昏，恁著食無酵餅。
12:19 佇恁逐間厝，七日內呣通有酵；因為見若食有酵的物，無論是寄腳的，抑是本地的，彼人著對以色列會中除去。
12:20 有酵的物，恁攏呣通食；佇恁一切徛起的所在著食無酵餅。」
12:21 摩西就叫以色列眾長老來，給𪜶講：「恁逐人著照家口取羊仔，刣伊做𨃟過節。
12:22 恁著提一把的牛膝草，搵盆內的血，用盆內的血抹門楣及雙旁的門豎。恁無論甚麼人呣通對伊的厝出門，直到明仔早起。
12:23 因為耶和華欲遍行拍死埃及人，伊看見血佇門楣及雙旁的門豎，耶和華就欲𨃟過彼個門，呣准滅生命的入恁的厝，來拍死恁。
12:24 此個事，恁著守伊，做恁及恁的子孫永遠的例。
12:25 後來，恁到耶和華照伊所應允賞賜恁彼個地，就著守此個禮。
12:26 恁的子兒若問恁：『為啥事行此個禮？』
12:27 恁就著講：『這是耶和華𨃟過節的祭。當以色列人佇埃及的時，伊拍死埃及人，𨃟過以色列人的厝，救咱逐家。』」對按呢百姓俯頭敬拜。
12:28 以色列人就去按呢行，耶和華所吩咐摩西、亞倫的𪜶照按呢行。
12:29 到半暝，耶和華將埃及地所有的大子，就是對坐位的法老的大子，到監犯的大子，以及頭水生的精牲，一盡刣死。
12:30 法老及一切的人臣，及埃及的眾人，暝時攏起來。佇埃及有大啼哭的聲，因為無一家無死人。
12:31 法老透暝召摩西、亞倫，講：「起來！及以色列人著對我的百姓中間出去，照恁所講的，去服事耶和華！
12:32 也照恁所講的，連羊群牛群帶帶去！也著給我祝福。」
12:33 埃及人迫百姓，教𪜶緊緊出𪜶的地，講：「阮攏死啦。」
12:34 百姓就提無酵的生麵，將摶麵的器具包佇衫內，背佇肩頭頂。
12:35 以色列人照摩西的話行，對埃及討銀器、金器及衣裳。
12:36 耶和華互百姓得著恩典佇埃及人的面前，照𪜶所討的互𪜶。對按呢𪜶搶埃及人。
12:37 以色列人對蘭塞去疏割；除囝仔以外，步行的大人約有六十萬。
12:38 閣有多多雜族的人，也有羊群牛群多多精牲，及𪜶上去。
12:39 𪜶用埃及帶出來的生麵煏做無酵餅。無發酵是因為受迫出埃及，𣍐會延延得，也無為家己備辦甚麼食物。
12:40 以色列人出外佇埃及四百三十年。
12:41 到四百三十年滿抵抵彼日，耶和華的軍隊攏對埃及地出來。
12:42 此暝著為耶和華守伊；因為伊導𪜶出埃及地，這是耶和華的暝，是以色列眾人代代所著守的。
12:43 耶和華對摩西、亞倫講：「𨃟過節的例是按呢：外邦人攏呣通食伊。
12:44 獨獨逐人用銀買的奴僕，已經給伊行割禮就通食。
12:45 寄腳的及倩工人攏呣通食。
12:46 著佇一間厝食伊；一塊肉也呣通帶出厝外。伊的骨一支也呣通拍折。
12:47 以色列全會攏著守伊。
12:48 若有外族人出外佇恁中間，愛守𨃟過節來服事耶和華，伊所有的查甫人著受割禮，然後伊通來守，就及本族的人無各樣；總是無受割禮的人，攏呣通食伊。
12:49 本族的人及外族的人出外佇恁中間，攏同一樣的例。」
12:50 以色列眾人就按呢行，照耶和華所吩咐摩西、亞倫的去做。
12:51 當彼日，耶和華導以色列人照𪜶的軍隊，出埃及地。

- 本章節結束 -

上一章    下一章