走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 39:1 | 𪜶用藍色、紫色、朱紅色的料做精工的衣服，佇聖所穿來服事，閣給亞倫做聖衫，是照耶和華所吩咐摩西的。 |
|---|---|
| 39:2 | 伊用金及藍色、紫色、朱紅色的料，及過紡的幼苧做以弗得； |
| 39:3 | 𪜶將金搥做薄片，剪做線，參佇藍色、紫色、朱紅色的料，及幼苧用奇巧的工做的。 |
| 39:4 | 閣給伊做披肩，來連伊互伊雙旁相連。 |
| 39:5 | 彼頂面奇巧的工織的帶，所用來縖的，及以弗得同一樣的做法，及伊連做一塊，用金及藍色、紫色、朱紅色的料，及過紡的幼苧做伊，照耶和華所吩咐摩西的。 |
| 39:6 | 閣琢紅瑪瑙入佇金槽裡，照刻印的法，刻以色列許個子的名佇彼頂面； |
| 39:7 | 安佇以弗得的披肩，為以色列人做紀念的石；照耶和華所吩咐摩西的。 |
| 39:8 | 伊用奇巧的師傅的手工做補及以弗得同一樣的做法，用金及藍色、紫色、朱紅色的料，及過紡的幼苧做的。 |
| 39:9 | 補是四方的，拗做雙重；長一徛，闊一徛，是雙重的， |
| 39:10 | 頂面入寶石四徛：一徛是紅寶石、黃玉、紅玉，這是第一徛； |
| 39:11 | 第二徛是綠寶石、藍寶石、金剛石； |
| 39:12 | 第三徛是紫色的瑪瑙、白色的瑪瑙、紫色的水晶； |
| 39:13 | 第四徛是綠玉、紅瑪瑙、碧玉。諸個攏入佇金槽內。 |
| 39:14 | 諸個寶石照以色列的子的名，共十二塊，親像刻印，每塊刻一個的名為著十二支派來做伊。 |
| 39:15 | 𪜶用好金拍鍊仔，親像索仔安佇補？。 |
| 39:16 | 𪜶閣做二個金槽及二個金環，將此二個環安佇補？的雙頭。 |
| 39:17 | 將所拍彼二條金鍊仔連佇雙頭二個環， |
| 39:18 | 用所拍二條鍊仔的雙頭連佇二個槽，安佇以弗得披肩的頭前。 |
| 39:19 | 做二個金環，下佇補雙頭的墘近以弗得向內彼旁。 |
| 39:20 | 閣做二個金環，安佇以弗得披肩下面的頭前，倚近相連的所在，佇以弗得奇巧的工所織的帶的頂面。 |
| 39:21 | 𪜶用藍色的幼帶將補？的環及以弗得的環縛相連，互伊粘佇以弗得奇巧的工所織的帶，互補？及以弗得無離縫，是照耶和華所吩咐摩西的。 |
| 39:22 | 伊用織布的工做以弗得內面的外袍，歸領是藍色。 |
| 39:23 | 袍的對中做一個領孔，孔的周圍織領緣，親像戰甲的領孔，免得破裂。 |
| 39:24 | 袍的下腳裒，用藍色、紫色、朱紅色的料，及過紡的幼苧做石榴， |
| 39:25 | 閣用好金做瑊鈴，用瑊鈴含石榴下佇袍四圍的下腳裒石榴的中間： |
| 39:26 | 一粒瑊鈴一粒石榴，一粒瑊鈴一粒石榴，佇袍四圍的下腳裒通穿來服事，是照耶和華所吩咐摩西的。 |
| 39:27 | 𪜶用織成的幼苧布給亞倫及伊許個子做內衫， |
| 39:28 | 也做幼苧布的帽及幼苧布娞娞包頭殼的巾，用過紡的幼苧布做褲， |
| 39:29 | 閣用過紡的幼苧及藍色、紫色、朱紅色的料，用徛花的手工做腰帶，是照耶和華所吩咐摩西的。 |
| 39:30 | 𪜶用好金做聖的冕旒的牌，照刻印的法，刻字佇彼頂面講「做聖歸耶和華」。 |
| 39:31 | 閣用藍色的帶將牌縛佇帽頂，是照耶和華所吩咐摩西的。 |
| 39:32 | 對按呢，聚集的會幕，一切的工攏做明白。凡若耶和華所吩咐摩西的，以色列人照按呢做。 |
| 39:33 | 𪜶送到摩西遐。就是會幕，布棚，及攏總的器具，伊的鈎、板、楗、柱、臼， |
| 39:34 | 染紅羊皮的蓋、海狗皮的蓋，及遮截的帳簾， |
| 39:35 | 法櫃及伊的槓及施恩所， |
| 39:36 | 桌及伊攏總的器具及排列的餅， |
| 39:37 | 好金的燈台及伊的燈盞，就是排列的燈盞，及伊攏總的器具，及點光的油， |
| 39:38 | 金壇、抹的油、芳的香料、布棚門的門簾， |
| 39:39 | 銅壇及伊的銅的層，伊的槓及伊攏總的器具，洗盪的盆及伊的座， |
| 39:40 | 場的帳帷及伊的柱、伊的臼，場門的門簾、用的索、釘的釘，及布棚及會幕內一概做路用的器具， |
| 39:41 | 精工的衣服佇聖所穿來服事，及祭司亞倫的聖衫以及伊的子的衫做祭司來服事。 |
| 39:42 | 以色列人照耶和華所吩咐摩西一切的話做一切的工。 |
| 39:43 | 摩西看見一切的工，看啊，𪜶已經做成，照耶和華所吩咐的，𪜶照按呢做，摩西就給𪜶祝福。 |
