走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 25:1 | 耶和華給摩西講： |
|---|---|
| 25:2 | 「你給以色列人講，著獻禮物互我；見若心所甘願的，恁通給伊收來做禮物互我。 |
| 25:3 | 所著收的禮物：就是金、銀、銅、 |
| 25:4 | 藍色、紫色、朱紅色的料，幼苧，山羊毛， |
| 25:5 | 染紅的公羊皮，海狗皮，皂莢柴， |
| 25:6 | 點燈的油，芳芳的品料通做膏油來抹，也做芳香， |
| 25:7 | 紅瑪瑙及別樣的寶石，通鑲以弗得及補。 |
| 25:8 | 𪜶著給我起聖的所在，互我通踮佇𪜶中間。 |
| 25:9 | 照我一切所指示你的，就是會幕的款式及內中器具款式，恁著照按呢來造。」 |
| 25:10 | 「𪜶著用皂莢柴做一個櫃，長二肘半，闊肘半，高肘半。 |
| 25:11 | 你著用好金包，內外攏著包，四圍著齒金線。 |
| 25:12 | 你著給伊鑄四個金環，安佇伊的四腳；此旁二環，彼旁二環。 |
| 25:13 | 著用皂莢柴做二支槓，用金包伊。 |
| 25:14 | 著將槓串佇櫃邊的環內，通用來扛櫃。 |
| 25:15 | 諸個槓著常常佇櫃的環內，呣通抽出來。 |
| 25:16 | 著用我所欲賞賜你的律法下佇櫃內。 |
| 25:17 | 著用好金做施恩所，長二肘半，闊肘半。 |
| 25:18 | 著用金做二個𠼻𡀔兵用拍的法做伊，佇施恩所的雙頭。 |
| 25:19 | 此頭做一個𠼻𡀔兵，彼頭做一個𠼻𡀔兵，雙頭的𠼻𡀔兵，及施恩所著歸塊做相連。 |
| 25:20 | 二個𠼻𡀔兵著高高展開翅，用𪜶的翅遮施恩所。𪜶的面著相對，𠼻𡀔兵的面著俯施恩所。 |
| 25:21 | 著將施恩所安佇櫃頂，閣將我所欲賞賜你的律法下佇櫃內。 |
| 25:22 | 我欲佇遐及你聚會，閣欲對施恩所頂就是對法櫃頂二個𠼻𡀔兵的中間，及你講我所欲吩咐你傳互以色列人一切的事。」 |
| 25:23 | 「你著用皂莢柴做一塊桌，長二肘，闊一肘，高肘半。 |
| 25:24 | 著用好金包，四圍齒金線。 |
| 25:25 | 桌的四圍，各做一巴掌闊的橫樑，橫樑頂四圍齒金線。 |
| 25:26 | 你著做四個金環，安佇伊的四腳的四角。 |
| 25:27 | 安環的所在著倚近橫樑，通串槓來扛桌。 |
| 25:28 | 著用皂莢柴做二支槓，用金包伊，通用來扛桌。 |
| 25:29 | 著做盤、碗、杯、瓶通來灌奠；攏著用好金做。 |
| 25:30 | 桌頂常常下排列的餅，佇我的面前。」 |
| 25:31 | 「你著用好金做一個燈台。燈台的座及中柱，伊的杯，伊的木，伊的花，攏用拍的法做歸座。 |
| 25:32 | 佇伊的邊仔著分出六枝；燈台的此旁著有三枝，燈台的彼旁著有三枝。 |
| 25:33 | 此旁每枝有三個杯，款式親像杏花，有木、有花；彼旁每枝也有三個杯，款式親像杏花，有木，有花。對燈台分出的六枝攏是按呢。 |
| 25:34 | 燈台柱有四個杯，款式親像杏花，有伊的木，及伊的花。 |
| 25:35 | 二枝的下面有一木及伊相連。閣二枝的下面有一木及伊相連。閣二枝的下面有一木及伊相連。燈台所出的六枝攏是按呢。 |
| 25:36 | 許個木及許個枝攏及伊連做一個，攏用好金照拍的法做。 |
| 25:37 | 著給伊做七個燈盞。著點許個燈，互伊照光佇對面。 |
| 25:38 | 燈台的剪及伊的盤攏著用好金做伊。 |
| 25:39 | 做燈台及這一切的器具用好金一他連得。 |
| 25:40 | 你著謹慎做諸個物件，攏著照佇山頂指示你的款式。」 |
