走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 24:1 | 耶和華給摩西講：「你及亞倫、拿答、亞比戶，及以色列長老中七十人，攏著上到耶和華遮，遠遠仆落去拜。 |
|---|---|
| 24:2 | 獨獨摩西通親近耶和華；其餘呣通親近；百姓也呣通及伊上來。」 |
| 24:3 | 摩西到，將耶和華一切的話一切的法度講互百姓聽。眾百姓同聲應講：「耶和華所講的話，阮欲攏遵趁。」 |
| 24:4 | 摩西將耶和華的話攏寫起來。透早起來，佇山下起一座壇，照以色列十二支派豎十二支柱， |
| 24:5 | 閣差以色列中的少年人去獻燒祭，也用牛做平安祭獻互耶和華。 |
| 24:6 | 摩西將血的一半貯佇盆裡，一半灑佇壇裡； |
| 24:7 | 閣提約的冊讀互百姓聽。𪜶講：「耶和華所講的，阮欲攏遵趁來行。」 |
| 24:8 | 摩西將血灑百姓，講：「看啊！這是立約的血，是耶和華照這一切的話及恁所立的。」 |
| 24:9 | 摩西、亞倫、拿答、亞比戶，及以色列長老中七十人，攏上去。 |
| 24:10 | 𪜶看見以色列的上帝，伊的腳下有親像平舖的藍寶石，親像天原質的光亮。 |
| 24:11 | 伊無出手害以色列尊貴的人。𪜶看見上帝；𪜶也食也飲。 |
| 24:12 | 耶和華給摩西講：「你上山就近我，踮佇遮，我欲將石碑及律法以及誠命，我所寫的賞賜你，通教示𪜶。」 |
| 24:13 | 摩西及跟隨伊的約書亞起來，摩西上上帝的山。 |
| 24:14 | 給長老講：「恁踮遮等阮，聽候阮倒轉來恁遮，看啊，亞倫、戶珥及恁佇啲。人若有代誌，通來尋𪜶。」 |
| 24:15 | 摩西上山，山有雲遮蓋。 |
| 24:16 | 耶和華的榮光停佇西奈山；雲遮伊六日久，第七日伊對雲中叫摩西。 |
| 24:17 | 耶和華榮光的款式，親像火燒佇山頂，以色列人親目看見。 |
| 24:18 | 摩西入雲中上山，摩西佇山頂四十日四十暝。 |
