走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 37:1 | 比撒列用皂莢柴做櫃，長二肘半，闊肘半，高肘半。 |
|---|---|
| 37:2 | 內外用好金包伊，四圍齒金線， |
| 37:3 | 佇伊的四腳給伊鑄四個金環：此旁二環，彼旁二環。 |
| 37:4 | 用皂莢柴做二支槓，用金包伊。 |
| 37:5 | 將槓串佇櫃邊的環內，通扛櫃。 |
| 37:6 | 用好金做施恩所，長二肘半，闊肘半。 |
| 37:7 | 用金做二個𠼻𡀔兵，用捙的法做伊，佇施恩所的雙頭， |
| 37:8 | 此頭一個𠼻𡀔兵，彼頭一個𠼻𡀔兵，二個𠼻𡀔兵佇施恩所的雙頭，及伊連做一塊。 |
| 37:9 | 二個𠼻𡀔兵高高展開翅，用𪜶的翅遮施恩所；𪜶的面相對；𠼻𡀔兵的面俯施恩所。 |
| 37:10 | 伊用皂莢柴做桌，長二肘，闊一肘，高肘半， |
| 37:11 | 用好金包伊，四圍給伊齒金線。 |
| 37:12 | 桌的四圍各做一巴掌闊的橫樑，橫樑頂四圍齒金線， |
| 37:13 | 給伊鑄四個金環，安佇伊的四腳的四角。 |
| 37:14 | 安環的所在倚近橫樑，通串槓來扛桌。 |
| 37:15 | 用皂莢柴做二支槓，用金包伊，通扛桌； |
| 37:16 | 也做桌頂的器具，伊的盤、碗、瓶、杯通來灌奠，攏用好金做。 |
| 37:17 | 伊用好金做燈台；燈台的座及中柱，伊的杯，伊的木，伊的花，攏用拍的法做歸座。 |
| 37:18 | 伊的邊仔分出六枝：燈台的此旁有三枝，燈台的彼旁有三枝； |
| 37:19 | 此旁每枝有三個杯，款式親像杏花，有木有花；彼旁每枝也有三個杯，款式親像杏花，有木有花。對燈台分出的六枝攏是按呢。 |
| 37:20 | 燈台柱有四個杯，款式親像杏花，有伊的木及伊的花。 |
| 37:21 | 二枝的下面有一木及伊相連，閣二枝的下面有一木及伊相連，閣二枝的下面有一木及伊相連；燈台所出的六枝攏是按呢。 |
| 37:22 | 許個木及許個枝攏及伊連做一個，攏用好金照拍的法做。 |
| 37:23 | 也給伊做七個燈盞，及伊的剪及伊的盤攏用好金做的。 |
| 37:24 | 做燈台及一切的器具用好金一他連得。 |
| 37:25 | 伊用皂莢柴做香壇，長一肘，闊一肘，款式四方的，高二肘，伊許個角及壇連做一塊； |
| 37:26 | 壇及伊的頂面及伊的四圍及伊許個角攏用好金包伊，也佇伊的四圍齒金線。 |
| 37:27 | 閣給伊做二個金環，安佇齒線的下面，佇壇的雙旁、二支橫杆的頂面，諸個環是做串槓的路用，通扛壇。 |
| 37:28 | 用皂莢柴做槓，用金包𪜶。 |
| 37:29 | 閣照做芳味的法做通抹的聖油及芳料清潔的香。 |
