走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 後來摩西、亞倫入去給法老講：「以色列的上帝──耶和華按呢講：『准我的百姓去，𪜶通佇曠野為我守節。』」 |
|---|---|
| 5:2 | 法老講：「耶和華是是誰，互我著聽伊的話，准以色列人去啊？我呣識耶和華，也呣准以色列人去！」 |
| 5:3 | 𪜶講：「希伯來人的上帝抵著阮。求你准阮去曠野，行三日的路，祭祀耶和華──阮的上帝，驚了伊用瘟疫、刀劍臨到阮。」 |
| 5:4 | 埃及王對𪜶講：「摩西、亞倫！恁啥事互百姓荒廢𪜶的工啊？恁去擔恁的擔啦！」 |
| 5:5 | 法老講：「看啊，此所在的百姓現在真多，恁竟然互𪜶息𪜶的擔擔！」 |
| 5:6 | 當彼日，法老吩咐百姓的督工者及𪜶的頭目講： |
| 5:7 | 「恁呣通照舊用草互此個百姓做磚，互𪜶去家己拾草， |
| 5:8 | 𪜶前做磚的數額，恁猶原互𪜶按呢做，呣通小可減少；因為𪜶貧憚，所以喉叫講：『准阮去祭祀阮的上帝。』 |
| 5:9 | 恁著用卡重的工互𪜶做，互𪜶著磨，無去聽無影話。」 |
| 5:10 | 百姓的督工者及𪜶的頭目出去給百姓講：「法老按呢講：『我呣用草互恁。 |
| 5:11 | 恁看叨落有草，就家己去遐拾。總是恁的工攏𣍐少得。』」 |
| 5:12 | 對按呢百姓四散遍埃及地，拾草仔幼來做草。 |
| 5:13 | 督工者迫𪜶講：「恁日日著做完恁的工，及以前有草無各樣。」 |
| 5:14 | 法老督工者拍伊所派管理以色列人的頭目，講：「恁昨日今仔日怎樣無做完恁的工，照從前的數額做磚啊？」 |
| 5:15 | 以色列人的頭目來對法老求叫講：「啥事按呢款待你的奴僕？ |
| 5:16 | 無用草互你的奴僕，閣給阮講：『著做磚！』看啊，你的奴僕受拍，實在是你的百姓的過失。」 |
| 5:17 | 伊講：「恁貧憚！恁貧憚！所以恁講：『准阮去祭祀耶和華。』 |
| 5:18 | 今恁去做工！草呣互恁，總是磚著照額來交。」 |
| 5:19 | 以色列人的頭目聽見講「日日做磚的額𣍐通減少」，就知害啦。 |
| 5:20 | 𪜶離開法老出來，抵著摩西、亞倫徛佇𪜶的頭前， |
| 5:21 | 就對𪜶講：「願耶和華鑑察恁，審判恁；因為恁互阮佇法老的面前及伊的人臣的面前有臭名，用刀下佇𪜶的手來刣阮。」 |
| 5:22 | 摩西倒轉去耶和華遐，講：「主啊，你啥事歹款待此個百姓？啥事差我？ |
| 5:23 | 因為對我見法老，託你的名來講的時，伊就歹款待此個百姓，你也攏無救你的百姓。」 |
