走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 耶和華對摩西講：「你入去見法老，給伊講：『耶和華──希伯來人的上帝按呢講：著准我的百姓去，通服事我。 |
|---|---|
| 9:2 | 你若呣肯互𪜶去，猶原勉強留𪜶， |
| 9:3 | 看啊，耶和華的手欲伸佇你田裡的精牲，馬、驢、駱駝、牛群、羊群，欲有重的瘟疫。 |
| 9:4 | 耶和華欲分別以色列的精牲及埃及的精牲，凡若屬以色列人的無死一隻。』」 |
| 9:5 | 耶和華就定著時期，講：「明仔日耶和華欲佇此個地行此個事。」 |
| 9:6 | 隔日，耶和華就行此個事」。埃及的精牲攏總死，總是以色列人的精牲攏無死一隻。 |
| 9:7 | 法老差人去，看啊，以色列人的精牲連一隻也無死。總是法老的心固執，呣准百姓去。 |
| 9:8 | 耶和華對摩西、亞倫講：「恁著朳幾若？爐裡的火灰，摩西著佇法老的面前向天撒去。 |
| 9:9 | 欲佇埃及全地變做塵埃，佇埃及全地佇人及精牲的身軀，攏生仔成做瘡。」 |
| 9:10 | 𪜶就朳爐裡的火灰，徛佇法老的面前。摩西向天撒去，就佇人及精牲的身軀生仔成做瘡。 |
| 9:11 | 博士因為？仔佇摩西的面前徛𣍐住，因為博士及一切埃及人的身軀攏有彼號？仔。 |
| 9:12 | 耶和華互法老的心硬，致到呣聽𪜶，抵抵照耶和華對摩西所講的。 |
| 9:13 | 耶和華對摩西講：「你清早起來，徛佇法老的面前，給伊講：『耶和華──希伯來人的上帝按呢講：著准我的百姓去，互𪜶通服事我。 |
| 9:14 | 因為此一擺我欲互我一切的災禍到佇你的心及你的人臣以及你的百姓，互你知佇普天下無一個會比並我。 |
| 9:15 | 我若伸手用瘟疫攻擊你及你的百姓，你就已經滅佇地上。 |
| 9:16 | 總是，我互你徛在，是刁故意欲用你顯明我的大權能，互我的名報揚佇遍地上。 |
| 9:17 | 你猶久對我的百姓自高，呣准𪜶去嗎？ |
| 9:18 | 看啊，明仔日將近此時，我欲落大雹，對埃及開國以來，未曾有按呢。 |
| 9:19 | 今你著差人將你的精牲及你田裡一切所有的迫𪜶入來；凡若佇田裡，無收倒來家裡的，無論人及精牲，雹欲落佇𪜶的身上，𪜶就欲死。』」 |
| 9:20 | 法老人臣的中間，驚畏耶和華的話的，就互伊的奴僕及精牲走入厝內， |
| 9:21 | 總是彼個無掠耶和華的話做要緊的，就將伊的奴僕及精牲留佇田裡。 |
| 9:22 | 耶和華對摩西講：「你向天伸手，互雹落佇埃及的遍地拍人及精牲，以及田裡的菜蔬，通埃及地攏按呢。」 |
| 9:23 | 摩西向天伸出伊的柺仔，耶和華就起雷落雹，有火行佇地面上；耶和華落雹佇埃及地。 |
| 9:24 | 對按呢，有雹也有火參佇雹的內面，真利害，對埃及開國以來，遍地未曾有按呢。 |
| 9:25 | 佇埃及遍地，見若佇田裡的無論人抑是精牲，攏互雹拍，雹也拍田裡一切的菜蔬，閣拍折田裡一切的樹木。 |
| 9:26 | 獨獨佇以色列人所踮的歌珊地無落雹。 |
| 9:27 | 法老差人叫摩西、亞倫來，給𪜶講：「此一擺我有犯罪。耶和華是公義；我及我的百姓是歹。 |
| 9:28 | 今諸個脆雷及雹已經夠額啦。求恁祈禱耶和華，我就准恁去，呣免閣踮遮。」 |
| 9:29 | 摩西給伊講：「我一下出城，就欲向耶和華抬起我雙支手；雷欲息，雹也無閣落，互你知全地攏屬佇耶和華。 |
| 9:30 | 總是論到你及你的人臣，我知恁猶是無驚畏耶和華上帝。」（ |
| 9:31 | 彼時，麻及大麥受拍歹；因為大麥已經出穗，麻也開花。 |
| 9:32 | 獨獨小麥及粗麥無受拍歹，因為猶未大欉。） |
| 9:33 | 摩西離開法老出城，抬起雙手向耶和華；雷及雹就息，雨也無閣傾落地。 |
| 9:34 | 法老看見雨、雹及雷攏息，就益發犯罪；伊及伊的人臣攏硬心。 |
| 9:35 | 法老心硬，呣准以色列人去，抵抵照耶和華託摩西所講的。 |
