走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 「呣通報揚謠言；呣通及歹人聯合做濫糝的干證。 |
|---|---|
| 23:2 | 呣通隨眾人行歹；佇相告的事呣通偏倚大旁，講伊的話來冤枉正直； |
| 23:3 | 呣通佇相告的事袒護喪鄉人。 |
| 23:4 | 「若抵著你的對敵的牛抑是驢失迷路，的確著牽倒來交伊。 |
| 23:5 | 若看見怨恨你的人的驢背載壓倒，呣通行開，著及伊相及放驢所載的。 |
| 23:6 | 「喪鄉人有相告，你呣通偏斷。 |
| 23:7 | 著離開虛假的事遠遠。呣通刣無罪及義的人，因為歹人我的確無算伊做義。 |
| 23:8 | 呣通受賄賂；因為賄賂會互目睭金的人變睛暝，閣會將義人的話反倒轉。 |
| 23:9 | 「呣通壓制出外人；因為恁曾出外佇埃及地，知出外人的心。」 |
| 23:10 | 「六年內你著種作你的田園，收成土產， |
| 23:11 | 獨獨第七年著互土地歇睏，無種作，互你的百姓中的喪鄉人有通食；所剩的，通互野獸食。你的葡萄園及橄欖園也著按呢。 |
| 23:12 | 「六日內你著做你的工，第七日著安息，互牛、驢通歇睏，也互女婢的子及出外人攏通養精力。 |
| 23:13 | 「見若我對恁講的話，恁著謹慎守。別個上帝的名，你呣通提起，也呣通講互人聽。」 |
| 23:14 | 「一年三擺，你著守節服事我。 |
| 23:15 | 亞筆月你出埃及，到定著的期，著守除酵節，七日久食無酵餅，照我所吩咐的。朝見我的人呣通空手。 |
| 23:16 | 閣有收割的節，就是你佇田裡栽種、對著磨得著起頭熟的土產。閣有收囥的節，就是年尾，恁收囥對田裡著磨所得著的。 |
| 23:17 | 一年三擺，你一切的查甫丁著到主耶和華的面前。 |
| 23:18 | 「祭祀我的牲禮，伊的血呣通參有酵的物來獻；也呣通將我節期牲禮的油留到過早起。 |
| 23:19 | 「地裡第一起頭熟的物，著送到耶和華──你上帝的厝。「煮山羊仔呣通用伊的母的奶。」 |
| 23:20 | 「看啊，我差我的使者佇你的頭前，佇路裡保護你，導你到我所備辦的地。 |
| 23:21 | 恁佇伊的面前著謹慎，聽趁伊的話，呣通違逆伊，伊無欲赦免恁的過失；因為伊奉我的名。 |
| 23:22 | 「你若實在聽趁伊的話，照我一切所講的去行，我就做你的仇讎的仇讎，你的對敵的對敵。 |
| 23:23 | 「我的使者欲行佇你的頭前，導你到亞摩利、赫、比利洗、迦南、希未，耶布斯許個族的地，我欲剪除𪜶。 |
| 23:24 | 𪜶的上帝你呣通跪拜，也呣通服事，呣通學𪜶的所做，著一盡毀滅𪜶，拍碎𪜶雕刻的柱。 |
| 23:25 | 恁著服事耶和華──恁的上帝，伊的確賜福佇你的米糧及你的水，閣我欲除去恁中間的破病。 |
| 23:26 | 也欲互你的境內無有磕落胎者，無有𣍐生者。我欲互你的歲壽滿足。 |
| 23:27 | 我欲做你的頭前，來示威，你所到的所在，許個百姓我欲互𪜶死無，閣欲互你一切的對敵越轉身逃走。 |
| 23:28 | 我欲差大隻蜂佇你的頭前，趕出希未人、迦南人、赫人離開你。 |
| 23:29 | 佇一年內我無欲對你的頭前一盡趕𪜶出，驚了土地拋荒，野獸加添多多來害恁。 |
| 23:30 | 我欲漸漸對恁的頭前趕𪜶出，聽候恁人額加添多多，來承受彼個地做業。 |
| 23:31 | 我欲定著你的境界，對紅海到非利士的海，閣對曠野到大河。因為我欲將彼所在徛起的百姓交佇恁的手，互你將𪜶對你的面前趕出。 |
| 23:32 | 呣通及𪜶以及𪜶的上帝立約。 |
| 23:33 | 呣通互𪜶徛起你的土地，驚了𪜶互你得罪我。你若服事𪜶的上帝，這欲做你的羅網。」 |
