走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 「你著對以色列人的中間，互你的兄亞倫及伊許個子來你遮，通做祭司服事我，就是亞倫及亞倫的子拿答、亞比戶、以利亞撒、以他瑪。 |
|---|---|
| 28:2 | 你著給你的兄亞倫做聖的衫，互伊榮光閣娞。 |
| 28:3 | 閣著吩咐一切心有智慧者，就是我用智慧的神所充滿的人，給亞倫做衫，分別伊做聖，通做祭司服事我。 |
| 28:4 | 𪜶所著做的衫就是補？、以弗得、外袍、有花的內衫、帽、腰帶，𪜶著給你的兄亞倫及伊的子做聖的衫，互伊做祭司來服事我。 |
| 28:5 | 𪜶著用金及藍色、紫色、朱紅色的料，及幼苧做伊。 |
| 28:6 | 「𪜶著用金及藍色、紫色、朱紅色的料，及過紡的幼苧，用奇巧的工做以弗得。 |
| 28:7 | 著有披肩二塊，連佇雙旁，互伊相連。 |
| 28:8 | 以弗得頂面奇巧的工所織的帶，著及伊同一樣的做法，互伊相連做一個，用金及藍色、紫色、朱紅色的料，以及過紡的幼苧做的。 |
| 28:9 | 著提二塊紅瑪瑙，佇頂面刻以色列諸個子的名： |
| 28:10 | 六個名佇此塊寶石，其餘六個名佇彼塊寶石，攏照𪜶出世的次序。 |
| 28:11 | 著用刻寶石的手工，親像刻印，照以色列諸個子的名，刻此二塊寶石，入佇金槽裡。 |
| 28:12 | 著將此二塊寶石安佇以弗得的披肩頂，為以色列人做紀念石。亞倫著佇二個肩頭背𪜶的名，佇耶和華的面前做紀念。 |
| 28:13 | 著用金做二塊槽， |
| 28:14 | 閣用好金，親像拍索仔，來做二條鍊仔，將諸個拍成的鍊仔，安佇許個槽裡。」 |
| 28:15 | 「你著用奇巧的工做一個判斷的補。著及以弗得同一樣的做法：用金及藍色、紫色、朱紅色的料，以及過紡的幼苧做伊。 |
| 28:16 | 補著四方，拗雙重，長一徛，闊一徛。 |
| 28:17 | 你著入諸個寶石佇伊的頂面，有寶石四鑆：一鑆是紅寶石、黃玉、赤玉，這是第一徛； |
| 28:18 | 第二徛是綠寶石、藍玉、金鋼石； |
| 28:19 | 第三徛是紫色的瑪瑙、白瑪瑙、紫色水晶； |
| 28:20 | 第四徛是青玉、紅瑪瑙、碧玉。這攏著入佇金槽內。 |
| 28:21 | 諸個寶石照以色列的子的名共十二塊，親像刻印，每塊刻一個名為著十二支派來做伊。 |
| 28:22 | 著用好金拍鍊仔親像索仔安佇補。 |
| 28:23 | 佇補著做二個金環，將此二個環安佇補的雙頭。 |
| 28:24 | 著將所拍彼二條金鍊仔，連佇補雙頭二個環。 |
| 28:25 | 用所拍二條鍊仔的雙頭連佇二個槽，安佇以弗得披肩的頭前。 |
| 28:26 | 你著做二個金環，下佇補雙頭的墘，近以弗得向內彼旁。 |
| 28:27 | 閣著做二個金環，安佇以弗得披肩下面的頭前，倚近相連的所在，佇以弗得奇巧的工所織的帶的頂面。 |
| 28:28 | 𪜶著用藍色的幼帶將補的環及以弗得的環縛相連，互伊粘佇以弗得奇巧的工所織的帶，互補？及以弗得無離縫。 |
| 28:29 | 亞倫入聖所的時，著將判斷的補，所刻以色列的子的名，帶佇伊的胸前，佇耶和華的面前常常做紀念。 |
| 28:30 | 你著將烏陵及土明下佇判斷的補內；亞倫到耶和華面前的時，許個著佇伊的胸前，亞倫著佇耶和華的面前常常將以色列的判斷掛佇胸前。」 |
| 28:31 | 「你著做以弗得內面的外袍，歸領是藍色的。 |
| 28:32 | 袍頂面的對中，著為著頭殼留一個領孔，孔的周圍織領緣，親像戰甲的領孔，免得破裂。 |
| 28:33 | 袍周圍的下腳裒著用藍色、紫色、朱紅色的料做石榴。佇袍周圍，石榴的中間著有金瑊鈴： |
| 28:34 | 一粒金瑊鈴一粒石榴，佇袍周圍的下腳裒。 |
| 28:35 | 亞倫服事的時著穿伊。伊入聖所到耶和華面前，以及出來的時，有聲通聽見，互伊免死。 |
| 28:36 | 「著用好金做一個牌，照刻印的法度刻佇伊的頂面講『做聖歸耶和華』。 |
| 28:37 | 著用一條藍色的幼帶，將伊縛佇帽頂就是佇帽的頭前。 |
| 28:38 | 此個牌著佇亞倫的頭額，互亞倫擔當聖物的罪；就是以色列人佇一切聖的禮物所分別做聖者。此個牌著常常佇伊的頭額，互𪜶佇耶和華面前得著接納。 |
| 28:39 | 著用幼苧織有徛的內衫，著用幼苧布做帽，閣用徛花的工做腰帶。 |
| 28:40 | 「你著給亞倫諸個子做內衫、做腰帶、做包頭殼的巾，互𪜶榮光閣娞。 |
| 28:41 | 著將諸個給你的兄亞倫及伊的子穿，閣用油抹𪜶，行設立的禮，分別𪜶做聖，互𪜶做祭司來服事我。 |
| 28:42 | 著給𪜶做幼苧布的褲，遮𪜶的下體；褲著對腰到大腿。 |
| 28:43 | 亞倫及伊的子入會幕，抑是就近壇，欲佇聖所服事的時著穿伊，免得𪜶擔當罪來死。這是欲給亞倫及伊的後裔做永遠的例。」 |
